Liburuak zintzilik Karlos Santamaria liburutegian

Jose Ignacio Diaz de Rabago artista donostiarraren Babelgo liburutegia instalazioa aurkeztu dute Donostiako Karlos Santamaria liburutegian, Donostia 2016 kultur hiriburutzaren barruan. Liburutegietan baztertutako liburuek osatzen dute instalazioa, eraikinaren irudimenaren eta espazioaren zati bilakaturik. Edonola ordenatuta edo ordenatu gabe, sabaitik zintzilikatutako liburuekin osatu dute obra.