Albistea entzun

Komiki lan bat, fanzine bat eta web serie bat sustatuko ditu Oihanederrek

Aritz Ibarrak onduko du 'Gasteiz 1200' komikia, Sandra Salazarrek 'Idi-gosea' fanzinea, eta Xup antzerki taldeak, berriz, 'Beita' websaila

Erredakzioa -

2022ko ekainak 22

Zortzi edo bederatzi hilabeteko setioaren ondoren bakarrik lortu zuten Gaztelako tropek Nova Victoria izeneko hiri nafarra mendean hartzea. 1200. urtean izan zen erasoa, eta, historialariek diotenez, hiritarrek erresistentzia gogorra antolatu zuten konkistaren kontra. Hain zuzen ere, setio eta erresistentzia giro hori da Aritz Ibarra komikigilearen Gasteiz 1200- Defentsa amaigabea izeneko eleberri grafikoaren funtsa. Urrian aurkeztu zuen proiektua Oihaneder Euskararen Etxeak eta Gauekoak aisialdi programak antolatutako Batera deialdira; saria jaso, eta atzo egin zuen proiektuaren jendaurreko aurkezpena. Saritutako beste bi proiektu ere aurkeztu zituzten ekitaldian: Idi-gosea fanzinea eta Beita webseriea.

2.000 euroko laguntza jaso du haietako bakoitzak. Laboral Kutxak eta Vital fundazioak jarri dute bi sarirentzako dirua, eta Oihaneder Euskararen Etxeak eta Gauekoak aisialdi programak jarri dute hirugarren proiektuarentzako kopurua.

Sandra Salazar da Idi-gosea proiektuaren egilea, eta, atzo azaldu zuenez, elikadura portaeraren nahasmenduari eta nerbio bulimiari buruzko informazioa zabaltzea da haren helburua. Fanzine bat kaleratuko du horretarako.

Sarean zabaltzeko hamabost minutuko zortzi ataleko websail bat da Beita. Xup izeneko antzerki taldea da proiektuaren bultzatzailea, eta, aurkezpenean zehaztu dutenez, «ikuspegi gazte eta feminista batetik» sortu dute thriller itxura izango duen kontakizuna.

Laugarren urtea izan du aurten deialdiak. Gasteizko gazteen artean euskarazko kultura sustatzea da helburua, eta, urteotan, guztira 11 proiektu lagundu dituzte: liburuak, diskoak, ikuskizunak, fanzineak eta erakusketak.

Finantzaketa kolektiboa

Urrian zabaldu zuten aurtengo deialdirako lanak aurkezteko epea, eta haietako hiru hautatu zituen epaimahaiak. 2.000 euroko sari bana ez ezik, saritutako egileei finantzaketa kolektiborako kanpaina bat diseinatzen ere lagundu diete deialdiaren arduradunek, eta hala heldu dira lana amaitzeko behar duten diru kopuru osoa biltzera.

Itsulapikoa.eus plataformaren bidez bideratzen dituzte laguntza horiek, eta babesle izan direnek beren saria jasotzeko aukera ere izan zuten atzokoan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ignacio Zuloaga pintorearen 'Arrateko itsua' lana ©Juan Herrero / EFE

Zuloagaren lehen lantzat jotakoa faltsua dela salatu dute

Iñigo Astiz

Zumaiako artistaren museoa kudeatzen duen Z Espacio Cultural elkarteak egin du salaketa, haien hitzetan, ezin baita ziurtatu 2020an aurkeztutako 'Arrateko itsua' lana Zuloagarena denik.

2019ko EHZko kontzertu bat, Irisarriko plazan. Aurten berriz ere dohainik izanen dira plazako ekitaldiak. ©BOB EDME

EHZ, berriz plazara

Joanes Etxebarria

Bihar hasiko da festibala Irisarrin, eta lau gunetan hedatuko da programazioa. Musika talde anitzek azken lana aurkeztuko dute

Berge, Behotegi, Kurutxarri, Aroztegi eta Feulie, atzo, Baionan. ©BOB EDME

Ipar Euskal Herriko zinemagintza ikertuko dute EHUko ikerlariek

Ainize Madariaga

Lapurdin, Nafarroa Beherean eta Zuberoan eta nagusiki euskaraz sortutako zinema aztertuko dute EHUko NOR ikerketa taldeko kideek

Donostiako Elizbarrutiaren D'museoan, hamasei pieza ikus daitezke guztira. ©ANDONI CANELLADA / FOKU

Donostiako D'museoko Oteizaren lanak faltsuak direla salatu dute

Iñgo Astiz

Artistak Argentinan sortutako hamasei lan biltzen ditu Donostiako Elizbarrutiko D'museoko erakusketak, baina, Oteiza museoak dioenez, ez dira hark egindakoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...