Mahmud Abbasek barkamena eskatu die juduei
«Nire hitzek norbait iraindu badute, barkamena eskatzen dut». Mahmud Abbasek mezu horren bidez apaldu nahi izan ditu joan den astelehenean egindako adierazpenek eragindako kritikak. PAN Palestinako Aginte Nazionaleko presidenteak esan zuen juduak ez zirela euren erlijioarengatik jazarriak izan, baizik eta «lukurreria eta banku jarduerari lotuta zuten funtzio sozialarengatik». Hitzok kritika ugari eragin zituzten, eta lau egun geroago, zehaztu du bere asmoa ez zela inor iraintzea, erlijio juduarekiko erabateko errespetua duela, eta, bide batez, holokaustoa salatu du, hura ukatzea egotzi diotenen kritikak isilarazteko.
Iruzkinak
Ez dago iruzkinik
Ordenatu