Noiz sortua: 2017-08-04 00:30:00

ATZEKOZ AURRERA. Enrike Amilibia. Aktorea

«Nahi dut ongi pasatzeko balio izatea publikoari eskaintzen diodanak»

Hainbat proiektutan sartua du muturra Amilibiak, eta beste hainbatetan sartzeko aukera ere ez du baztertzen. Pertsonen ezintasunen ordez gaitasunak azpimarratu behar direla dio.
JUAN CARLOS RUIZ / ARGAZKI PRESS

Julen Aperribai -

2017ko abuztuak 4
Inklusioaren aldeko lana du lanbide Enrike Amilibiak (Errenteria, Gipuzkoa, 1986), eta, lan orduetatik kanpo ere, saiatzen da ikuspegi hori bestelako proiektu eta lanetara eramaten. Haren ustetan, gizarteak, hein handi batean, oraindik besteen menpekotzat hartzen ditu ezintasunen bat duten pertsonak. Arreta, ordea, ezintasunetan ez baizik pertsona bakoitzaren gaitasunetan jarri behar delakoan dago.

Antzerkia, zinema, kirola... ez zara geldirik egoten diren horietakoa.

Gustatzen zait gauza desberdinak probatzea. Ez dut neure burua horretara behartzen; naturalki hala ateratzen zait. Aukera desberdinetara zabalik egoten saiatzen naiz, eta baita gauza berriak ezagutzen ere.

Antzerkirako afizioa noizkoa duzu?

Txikitan ezagutu nuen antzerki mundua, eta jarraitu egin dut ordutik. Irungo [Gipuzkoa] Legaleon antzerki taldean aritzen nintzen lehen, Ana Perez irakasle nuela. Afizioa dut antzerkia, baina beste gauza batzuk egiteko bidea zabaldu dit. Iragarki bat egiteko proposamena jaso dut, esaterako.

Bakarrizketa saioak egiten ere hasi zara. Nola sortu zitzaizun aukera?

Alex Tellok proposatu zidan, nire laguntzaileak. Niretzat berria da, eta urduri samar nengoen hasieran, baina neure burua animatu nuen, eta, oraingoz, bi egin ditut: Usurbilen eta Tolosan [Gipuzkoa].

Bada elementu komun bat egiten duzun guztian: umorea. Ezinbestekoa al da zuretzat?

Oso pertsona umoretsua naiz, eta umorea garrantzitsua da niretzat. Nik zerbait eskaini nahi diot publikoari, eta nahi dut horrek balio izatea jendeak ondo pasatzeko.

Zinema mundua ere ezagutzeko parada izan duzu aurten, Aquí es posible laburrarekin. Gustatu al zaizu?

Oso esperientzia ona izan da niretzat. Aktore moduan lehen aldiz aritu naiz profesionalki, eta aktore profesionalekin batera. Agentzia baten bidez, gure laburra nazioarteko hainbat jaialditan izango da. Orain gutxi, Caceresko [Extremadura, Espainia] Hervas herrian aurkeztu zuten, eta han izan nintzen ni ere. Jendeak oso ondo hartu zuen.

Filmaren bidez ere aurreiritziak eraitsi nahi izan zenituzten?

Ni neu naiz protagonista, eta gizarteak barneratuak dituen zenbait aurreiritziri buelta eman nahi genien. Zergatik ezin dut egin nik patata tortilla bat? Kontua egiten saiatzea da, eta horretarako ahalegina egitea. Baditugu gure gaitasunak, eta gizarteak menpekotasuna dugun pertsonatzat hartzen gaitu. Nik uste dut ez dela orokortu behar. Pertsona bakoitzak zer behar duen jakin behar da, guztiak zaku berean sartu gabe.

Inklusioari buruzko Jendartean bidaide antzezlanean parte hartu zenuen. Garrantzitsua da zuretzat gai korapilatsu hori gizarteratzea?

Ezintasunen bat dugunok bazterrean geratzen gara gizartean sarritan. Hala gertatzen da hedabideetan, adibidez, eta uste dut buelta eman behar zaiola horri. Beste edozein pertsona bezala tratatu behar gintuzkete.

Esana duzu Downen sindromea dutenen ezintasunak gehiago ezagutzen direla haien gaitasunak baino.

Badirudi gehiago interesatzen zaigula, askotan, haien aspektu fisikoa, benetan zer egiteko gai diren baino. Ni saiatzen naiz gainerako pertsonekin ahalik eta menpekotasun txikiena izaten eta eguneroko eginbehar asko, esaterako, nire gain hartzen. Halako aurreiritziak eta bazterkeriak, normalean, ezintasunak dituzten pertsonak ezagutzen ez dituzten horiengandik etortzen dira. Jende horrekin ere harremanak izatera gonbidatzen ditut nik, horiek ere gizartearen parte diren heinean.

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 402 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Arabako, Bizkaiko eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek Sanchez babestu du, baina uste du hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 402 pertsona hil dira Euskal Herrian; horietatik bi, Lapurdin

Irati Urdalleta Lete

Lapurdiko aurreneko bi hildakoen berri eman du Vicent Bru diputatuak, prefetarekin elkartu ondoren. Azkeneko 24 orduetan 52 pertsona hil dira guztira, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Julen Aperribai

Informazio osagarria