Noiz sortua: 2018-09-08 00:30:00

«Propaganda terrorista» egotzita, lau urteko kartzela zigorra jarri diote Demirtasi

HDPko buruzagiak adierazi du berriz ere egingo lituzkeela egindako adierazpenak. Turkiak 5.000 militante atxilotu ditu azken bi urteetan
Demirtasen jarraitzaileak, ekaineko hauteskunde kanpainan, Istanbulen.
Demirtasen jarraitzaileak, ekaineko hauteskunde kanpainan, Istanbulen. SEDAT SUNA / EFE Tamaina handiagoan ikusi

Kristina Berasain Tristan -

2018ko irailak 8

Turkiak lau urte eta zortzi hilabeteko kartzela zigorra ezarri dio Selahattin Demirtasi. HDP Herriaren Alderdi Demokratikoko presidenteari «propaganda terrorista» zabaltzea egotzi dio epaileak. 2013ko Newrozen, kurduen egun nazionalean buruzagi kurduak egindako adierazpenengatik jaso du zigorra. Fiskaltzak urtebete eta bost urte arteko kartzela zigorra eskatu zuen harentzat, «erakunde terrorista bateko propaganda» zabaldu izana leporatuta. Demirtasi PKK Kurdistango Langileen Alderdia eta Abdullah Ocalan erakundeko buru historikoa «goraipatzea» leporatu zioten: «Erakunde horrek herrialdea zatitu asmo du, horretarako indarkeria erabiliz, eta, 1984az geroztik, ekintza armatuak egin ditu herrialde osoan». Sureyya Onder legebiltzarkide kurduari ere hiru urte eta sei hilabeteko kartzela zigorra ezarri diote arrazoi berarengatik.

Demirtasek, baina, oso une berezian egin zituen adierazpenak; izan ere, handik bi egunera aldarrikatu zuten su-etena Turkiako Gobernuak eta PKK-k. Bake elkarrizketak abiatzea zen asmoa, baina, 2009an eta 2011n bezala, orduan ere bertan behera geratu ziren bake negoziazioak. Demirtasek, bada, epaia «bake prozesuarekiko mendekua» dela uste du.

HDPko buruzagiak kartzelatik entzun zuen bere kontrako epaia, eta esandako hitzak berriz ere esango lituzkeela jakinarazi zion epaileari: «Ez nuke inoiz aldatuko esandakoa». Demirtasek bere defentsa prestatzeko denborarik ez duela izan salatu du, duela bi egun jakinarazi baitzioten azken arrazoibideak prestatu behar zituela: «Ez da egokia nire defentsa baldintza hauetan egitea. Epaiketa justu bat aldarrikatzen dut».

Immunitaterik gabe

Demirtas Edirneko kartzelan dago 2016ko azarotik, behin-behineko atxiloaldian. Figen Yuksekdagekin batera atxilotu zuten, biek alderdiaren presidentetza partekatzen zutenean —bi urte lehenago eskuratu zuten kargua—. Turkiako Legebiltzarrak sei hilabete lehenago onartu zuen diputatu kurduei immunitatea kentzea. Recep Tayyip Erdogan presidentearentzat, «terrorismoa babesten» zuten diputatuak atxilotzeko legea zen, eta kurduentzat, «prozesu judizialak» abiarazteko aitzakia. Ordutik, HDPko 59 diputatuetatik 50 daude auzipetuta. Politikari kurduek, baina, badute aurrekari bat: 1994an 22 diputatu kurduri kendu zieten immunitatea, kurdueraz mintzatu zirelako.

Garai bateko urte beltzak itzuli dira, beraz, kurduek estatu sakona ere deitzen dioten aro iluna. Turkiak HDPko 5.000 kide atxilotu ditu azken bi urteetan, eta etxeratze agindu iraunkorra ezarri du Kurdistanen.

Erdoganek jazarpen politikoa areagotzeko tresna eskuratu zuen iaz, apirileko erreferendumaren bidez, konstituzioaren erreforma eginda, eta bide horretan sakondu du aurtengo ekainean bozak irabazi eta sistema presidentzialista ezarrita. HDPk bozetan lortutako emaitza onak ez dira nahikoa izan presidentearen boterea mugatzeko. HDPk botoen %12 lortu zuen. Demirtasek urtarrilaren hasieran iragarri zuen uko egin ziola presidente kargua berriz betetzeari, bere aurkako epaiketa hasi eta hilabetera, baina, azkenean, alderdiko hautagai gisa aukeratu zuten. Harekiko jazarpena herri oso baten kontrakoa da. Fiskaltzak 142 urteko kartzela zigorra eskatu zuen harentzat hainbat auzibide irekita; izan ere, benetako oposizioa egiten duen alderdi bakarrenetakoa ordezkatzen du.

HDP Turkiako hirugarren indar politikoa da. 2012an sortu zen, kurduen ekimenez, baina azken urteotan ezkerreko hainbat eragilek ere egin dute bat alderdiarekin; tartean, mugimendu feminista eta ekologista eta gutxiengo etnikoak. 2015eko hauteskundeetan inoiz lortu gabekoa lortu zuten; izan ere, ordura arte independente gisa aurkezten ziren hautagai kurduak, eta, urte hartan, ekaineko bozetan, %10eko langa gainditu eta ordezkaritza zabala lortu zuten legebiltzarrean —botoen %13,1 lortu zituen—.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ikasle bat ikasgelan, Donostiako Axular Lizeoan. ©Gorka Rubio / Foku

Eskola «gutxitan» itzuli dira ikasgelara, sindikatuen arabera

Berria

ELA, LAB, Steilas, CCOO eta UGT sindikatuen arabera, ikastetxe «gutxi» izan dira gaur ateak ireki dituztenak. Sindikatuek protesta egin dute Gasteizko Eusko Jaurlaritzaren egoitzaren aitzinean.

Abian da itxialdiaren bigarren arindua

Abian da itxialdiaren bigarren arindua

Berria

Konfinamendua samurtzeko neurriak ugaritu direla agerikoa izan da gaur; hondartzetan, makrodendetan, ostatuetan eta eskoletan aldaketa eguna izan da. Sindikatuek ohartarazi dute arretaz aztertuko dutela ea ikasleak eta irakasleak segurtasunez itzultzen ari diren eskolara, eta hala ez bada mobilizazioak egingo dituztela nabarmendu dute.

 

Herritarrak Ermuan, farmazia batean ilara egiten. ©ANDONI CANELLADA / FOKU

Beste zortzi kutsatu eta sei hildako azken orduetan

Maider Galardi F. Agirre

Eusko Jaurlaritzaren azken datuen arabera, koronabirusaz kutsatutako beste zortzi kasu atzeman dituzte Araba, Bizkai eta Gipuzkoan, eta sei lagun hil dira azken egunean. Guztira 1.717 proba egin zituzten EAEn, atzo.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna