Albistea entzun

Finlandiako Gobernuak gezurtatu egin du lau eguneko lan astearen albistea

Exekutiboak argitu du ez dagoela halako asmorik bere gobernu programan. Sanna Marin lehen ministro berriak iazko abuztuan egindako adierazpen batzuk daude nahastearen oinarrian.

AMPO kooperatibako ingeniariak lanean, Idiazabalgo plantan.
AMPO kooperatibako ingeniariak lanean, Idiazabalgo plantan. GORKA RUBIO / FOKU Tamaina handiagoan ikusi

Irune Lasa -

2020ko urtarrilak 8

Beharbada Eguberrietako oporren ostean lanera itzuli beharrarekin lotuta, edo, besterik gabe, ia mundu guztiarentzat albiste pozgarria litzatekeelako, azken egunetan ziztu bizian hedatu da albistea: Finlandiako Gobernua 24 orduko lan astea ezartzeko prest zegoela. Europako hainbat egunkaritan agertu da notizia, baita gure lerroetan ere. Baina ez da egia; Finlandiako Gobernuak gezurtatu egin du halako asmorik duela bere gobernu programan.

Nahasmenaren iturrian Sanna Marin lehen ministro berriak joan den urteko abuztuan —oraindik soilik Alderdi Demokratako buru zela— egindako adierazpen batzuk daude. Hitzaldi batean zera esan zuen: «Pertsonek merezi dute familiarekin denbora gehiago egotea, maite dituztenekin, beren aisialdian eta bizitzaren beste esparruetan, esaterako kulturan; hori izan daiteke hurrengo urratsa lan bizitzari dagokionez». Eta egun berean txiokatu zuen: «Lau eguneko lan astea edo sei orduko lan eguna, soldata txukun batekin, utopia da gaur egun, baina egia izan daiteke etorkizunean".

Abenduan bihurtu da Sanna Marin lehen ministroa, bost alderdiren sustenguarekin. Eta hark aurretik adierazitako ideiak berriz ere albistegietara itzuli direnean, etorri da gaizki ulertua, telefono hautsiarekin bezala,  ideiak, asmoak, denborak, eta gurariak nahastu direnean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Pentsiodunen protesta bat, Iruñean, artxiboko irudi batean. ©VILLAR LOPEZ / EFE

Pentsioak %8,5 handituko dira urtarrilaren 1ean Hego Euskal Herrian

Iker Aranburu

Iaz ez bezala, aurten batez besteko pentsioa handiagoa izango da urte amaierakoa baino. Batez besteko pentsioa 115 euro handituko da, eta erretiratuena 128 euro
Jose Luis Escriva Espainiako Gizarte Segurantza ministroa ©Sergio Perez (Efe)

Kotizazio urte gehiago, baina «hoberenak»

Jokin Sagarzazu

Pentsioen kalkulua 25 urtetik 30era zabaltzea proposatu du Espainiako Gobernuko Gizarte Segurantza ministroak

Bizkaiko metalgintzako lehen greba eguna, atzo, Trapagaranen. ©Marisol Ramirez / FOKU

Langile gehienek babestu dute metalgintzako bigarren greba eguna

Iñaut Matauko Rada

ELAk adierazi du grebaren atzoko eta gaurko erantzuna oso antzekoak izaten direla Bizkaiko metalgintzan. CCOO, LAB eta UGTren arabera, %85eko erantzuna izan du gaurko greba deialdiak.

Iñaki Zabaleta, Saioa Urriz eta Imanol Pascual, atzo. ©ELA SINDIKATUA

ELAk salatu du Nafarroako aurrekontuak «legealdiko okerrenak» izango direla

Joxerra Senar

Europako funtsak kenduta, 2023ko aurrekontuak %1,6 baizik ez dira igoko, BPGaren eta KPIaren «oso azpitik». EH Bilduk aurrekontuak «apaindu» izana kritikatu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.