Lurraldetasuna puntu hauetan jasotzen du Nafarroako gobernu itunak:
Zerga sistema
Harreman «egonkorra». Zerga alorrean eta kontzertu ekonomikoan Eusko Jaurlaritzako eta EAEko hiru foru ogasunetako arduradunekin «komunikazio eta harreman egonkorra» ezarriko dute, estatuarekin duten harremanetan informazioa, esperientziak eta arazoak elkarri jakinarazteko.
Autogobernua
EAE. Mugakide diren erkidegoekin «harreman onak» izan nahi dituzte. EAErekiko harremanak ere «normalizatu» eta «sustatu» nahi dituzte.
Nafarroa Beherea. Nafarroa Behereko udalerriekiko harremanetan sakondu nahi dute, haiekiko «lokarri historikoak, sozialak eta kulturalak» berreskuratzeko eta sendotzeko.
Euroeskualdea. Nafarroa, Akitania eta EAEren arteko lankidetza protokoloa berreskuratzea dute xede, Nafarroak Europan dituen aukerak «hobetzeko». Izan ere, akordioan diote «ekoizpen, banaketa eta kontsumo sisteman» egon diren aldaketak eta lankidetza trasnazionalek mugakide diren eskualdeen harremanak sakontzea eskatzen duela.
Mugaz gaindiko lankidetza. Nafarroarentzat «interesa» duten Europako eskualdeekin elkarlana sustatu nahi dute; tartean, Atlantikoko Europa Hegoaldeko Erregioen Konferentzian eta Pirinioetako Lan Komunitatean parte hartuz.
GOBERNU AKORDIOA
Iruzkinak
Ez dago iruzkinik
Ordenatu