Albistea entzun

Sindikatuak, Martxoaren 8ko gutxieneko zerbitzuen aurka

Jaurlaritzak ezarritako baldintzen aurkako helegitea jarri du gehiengo sindikalak. UGTk eta CCOOk gizonak ere deitu dituzte grebara

Iosu Alberdi -

2018ko martxoak 7

Araba, Bizkai eta Gipuzkoako gehiengo sindikalak helegitea jarri du Martxoaren 8ko greba feministarako Eusko Jaurlaritzak aurkeztutako gutxieneko zerbitzuen aurka. Gobernuaren aginduak aurreko grebetako egoera okertzen duela salatu dute, «batez ere sektore feminizatuetan».

Jaurlaritzak agindu du, besteak beste, garraio publikoan %30eko gutxieneko zerbitzuak bermatzea, ospitaletan jaiegunetako langile kopurua egotea eta hezkuntza ez-unibertsitarioko ikasle guztiei zentroetara sarrera bermatzea. Horiek dira 11:00-15:00 eta 18:00-20:00 tarteetarako ezarritako baldintzak. «Bidegabeak», gehiengo sindikalaren ustez, «emakume langileen greba eskubidea urratzen dutelako».

Sindikatuek salatu dute adingabeen egoitzetako, heziketa zentroetako eta etxebizitza komunitarioetako langileei greba egitea galarazten zaiela, jaiegunetako gutxiengo zerbitzuak egotea agindu baitu Jaurlaritzak. Asteburuetan, ordea, aste barruan baina langile gehiago egoten dira.

Gehiengo sindikalak azaldu du argi geratu dela Jaurlaritzak ez duela grebarekin bat egiten, eta «guztiz azalekotzat» jo du erakundeak eginiko «apustua», hamabost minutuko elkarretaratzeak antolatu baititu.

UGT eta CCOO sindikatuek, berriz, gizonak ere deitu dituzte lanuzteetan parte hartzera, «greba ez-sexista eta inklusibo bat» defendatzen dutela argudiatuz.

Greba egunarekin bat egingo du Gipuzkoako Foru Aldundiak ere, Erdiak gara. Izan gaitezen erdiak kanpainarekin, «emakume eta gizonen arteko desoreko sakona» salatzeko. Ostegun eguerdian Donostiako Gipuzkoa plazan elkartzeko deia egin du, eta greba egunetik harago, «kontziliazio erantzunkidetasuna» sustatzeko lan egingo duela azaldu du.

Mehatxu delitua Durangon

Durangoko alkateorde eta Berdintasun Batzordeko buru Pilar Riosek heriotza mehatxu bat salatu du, ustez karguarekin zuzenki lotua dagoena. Riosek azaldu du gizon batek eskuekin pistolaz tiro egiteko keinua egin ziola, bost aldiz. Gizona Felipe Ardanza da, bere emazte ohia hiltzeagatik hamazazpi urteko kartzela zigorrera kondenatua 2006an. Ardanzak iaz lortu zuen hirugarren gradua, 11 urte preso egon ostean.

Epaileak lau hilabeteko urruntze agindua ezarri dio Ardanzari, Anboto aldizkariak azaldu duenez, mehatxu delitu bategatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira
Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao, Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Donostiako Antigua Auzoko Osakidetzako osasun zentroa. ©GORKA RUBIO / FOKU

«Ezin dugu martxa honetan segitu»

Oihane Puertas Ramirez

Lehen mailako arretako langileek salatu dute baliabideak falta zaizkiela. COVID-19a dela eta, osasun etxeetako lan karga «izugarri» handitu zaie, eta «gainezka» daudela sentitzen dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.