Albistea entzun

Euskal Herria - Katalunia. Mahai ingurua Bilbon

Erreferendumaren ispiluan

Kataluniako galdeketari babesa azaltzeko saioa egin du ANCk Bilbon, Joseba Egibar, Maddalen Iriarte, Zelai Nikolas, Jordi Sanchez, Joan Tarda eta Jordi Turullekin.
Estitxu Garai moderatzailea, Joseba Egibar, Joan Tarda, Jordi Sanchez, Zelai Nikolas, Jordi Turull eta Maddalen Iriarte atzoko mahai inguruan.
Estitxu Garai moderatzailea, Joseba Egibar, Joan Tarda, Jordi Sanchez, Zelai Nikolas, Jordi Turull eta Maddalen Iriarte atzoko mahai inguruan. JUANAN RUIZ / ARP Tamaina handiagoan ikusi

Iñigo Astiz -

2017ko irailak 3 - Bilbo

Eztabaida politikoa bultzatzeko baino gehiago, ahalduntzea sustatzeko antolatu zuen mahai ingurua atzo Biltzar Nazional Katalanaren euskal adarrak Bilboko Kafe Antzokian. Katalunian urriaren 1ean egitekoak diren erreferendumari babesa azaltzea zen saioaren asmoa, eta sei hizlariek aho batez baieztatu zuten galdeketa egingo dela. Jordi Turull Generalitateko bozeramailea, Joan Tarda Espainiako Kongresuko ERC alderdiko ordezkaria, Jordi Sanchez Biltzar Nazional Katalaneko lehendakaria, Zelai Nikolas Gure Esku Dago plataformako bozeramailea, EAJ alderdiko Joseba Egibar eta EH Bilduko Maddalen Iriarte, denak ados: «Egingo da».

Demokrazia dago jokoan galdeketan. Behin eta berriz aipatu zuten hori kataluniarrek, eta, hain zuzen ere, horregatik iruditzen zaie erreferenduma hain ezinbesteko, eta, era berean, hain atzeraezin. Madrilgo Gobernuaren blokeoek ezingo dutela geldiarazi azaldu zuen Turullek, adibidez: «Irabaziko dugu, [Espainiako] Estatua demokratikoki gaindituko dugulako».

Harridurarik ez zuen ezkutatu Tardak. «Historiak batzuetan zaldi erotu baten itxura hartzen du, eta sekula gertatuko zirenik uste ez zenuen gauzak gertatzen dira, eta oso azkar». Nazioartean onarpena lortzeko galdeketa «nota onarekin gainditzea» garrantzitsua dela ere esan zuen.

Prozesua «iraultza demokratiko bat» dela aipatu zuen ANCko lehendakariak. «Iraultza bat da, konbentzituta gaudelako aldaketa handia egitea dela edozein gauza txiki aldatzeko modua».

Txalo jotzen zuen publikoak hitzaldi guztien ostean. Hutsik gabe. Eta arrakalarik gabekoa zen euskal ordezkariek prozesuari adierazi zioten babesa ere. Egibar: «Kataluniako prozesuak aurrera egiten badu, guretzako mesede».

Izan zen tentsio unerik ere. Jeltzaleak «eredu talka» aipatu zuenean, kasurako. «Bakar batzuek utzi dute indarkeria ez konbentzimenduz, baizik eta estrategikoa ez delako». Baina azkar heldu zen distentsioa, Iriarteren hitzekin. «Egibarrek pazientzia historikoa eskatzen dit sarri, eta nik esaten diot eternitatea ez dela gurea. Bi mutur horien artean topatu beharko dugu puntu bat».

Egibarrek beharrezkotzat jo zuen EAJk eta ezker abertzaleak «gutxieneko adostasun bat» lortzea: «Ardura politikoa eta historikoa da». Eta alderdien tirabiratik at, Nikolasek ezinbestekotzat jo zuen «herri itun bat».

Independentzia Eguna

Bestalde, Independentistak sareak Independentziaren Eguna antolatu zuen atzo Bermeon (Bizkaia). Han ere ikusi ziren Kataluniako ikurrak eta entzun ziren prozesuaren aldeko mezuak. Irailaren 16an Bilbon egitekoa den manifestazioan parte hartzera deitu zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mertxe Aizpurua Espainiako Kongresuan. ©JUANCARLOS HIDALGO / EFE

'Mozal legearen' erreforma ez blokeatzeko eskatu die PSOEk bazkideei

Xabier Martin

EAJko Aitor Estebanek uste du orain arte adostutako zuzenketak egun indarrean dagoen legea hobetzen dutela. EH Bilduko Mertxe Aizpuruak, berriz, ohartarazi du Espainiako Gobernuak «hitzemandakoa» bete beharko duela koalizioaren babesa jaso nahi badu Herritarren Segurtasun Legearen erreformarako.

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.