Albistea entzun

Giza eskubideen nazioarteko eguna

Borroka anonimo eraikitzaileei

ETAk, GALek eta Espainiako Poliziak eragindako 41 biktimari eman die Rene Cassin saria Eusko Jaurlaritzak.

Jasan duten minaz gain, elkarbizitzarako egin duten lana aitortu die
Sarituak, oholtza gainean, Jaurlaritzako ordezkariekin.
Sarituak, oholtza gainean, Jaurlaritzako ordezkariekin. RAUL BOGAJO / ARGAZKI PRESS

Aitziber Laskibar Lizarribar -

2014ko abenduak 11

Enpatia. Bestearen lekuan jartzea. Horixe da giza eskubideen arima, Iñigo Urkullu Eusko Jaurlaritzako lehendakariaren hitzetan. Indarkeria modurik bortitzenean pairatu dutenentzat da zailena mina enpatia bihurtzea. Bestearen lekuan jartzea eta sufrimendua elkarbizitzara bideratzea. Eta horixe txalotu du Jaurlaritzak aurtengo Rene Cassin sarietan. Hainbat biktimak barrutik egin duten «borroka anonimo etengabea»; modu eraikitzailean egindako lana. «Bizikidetzaren alde egindako ekarpena» eskertu die ETAren, GALen eta Espainiako Poliziaren 41 biktimari.

Posible dela erakutsi dutelako egin die aitorpena elkarbizitza lantzeko helburuz eskoletan euren esperientzia kontatzen aritu direnei. Baita askotariko biktimak batu eta elkar ulertzea lortu zuen Glencree esperientzian parte hartu dutenei. «Batzea, elkarlanean aritzea eta elkarrekin bizitzea posible dela erakutsi dute», azaldu du Urkulluk sariak banatzean. «Alderdikerien miopia» gainditu, eta mina gorroto eta mendekua bihurtu ordez enpatia bihurtzea posible dela. Jaurlaritzarentzat, eredu dira horregatik saritutako biktimak. Eta haien irakaspenari heltzeko dei egin die politikariei zein gizarteari. Haiek egin badute, gainontzeko herritarrek ere egin dezakete.

Jatorri askotako biktimak saritu dituzte. Horren adierazgarri, Fernando Garrido, Lurdes Zabalza, Jaime Arrese, Jose Goikoetxea eta Pili Zabala, zeinek guztien izenean hitza hartu duten. Rafael Garrido Gipuzkoako gobernadore militarra zela ETAk hildakoaren semea da lehenengoa; Mikel Zabalza Guardia Zibilak atxilotu eta torturatu ondoren hilda agertu zenaren arreba bigarrena. Hirugarrena, Jaime Arrese Komando Antikapitalistek hil zuten UCDko batzarkidearen semea. Joseba Goikoetxea ETAk hil zuen ertzainburuaren semea da laugarrena. Eta bosgarrena, Joxi Zabala GALek hildakoaren arreba. Ondorengoei «bakearen legatua» uzteko deia egin dute guztiek.

«Mina bestearen aurpegian ikusi duzue; zuek jasandako injustizia beste pertsonarengan ere sentitu duzue; alderaketetan erori gabe partekatu duzue, saririk eta justifikaziorik gabe; entzun duzue, eta isilean ulertu duzue, errespetuzko hitz beroekin», azaldu du haien ekarpena lehendakariak, eta haiengandik zer ikasi badela ohartarazi. Gainontzeko biktimei ere eman die saria, sufritu dutenaz gain egunerokoari eusteko egindako ahaleginagatik.

Biktimek elkarbizitzarako deia egin dute; Zabalak, abisu bat emanda: polizien eta estatuen biktimek aitorpen ofizialik gabe jarraitzen dutela salatu, eta hori bideratzeko neurriak eskatu ditu.

Jonan Fernandez Bake eta Bizikidetzarako idazkariak, bestalde, «memoriaren plaza publikoa» eraikitzeko deia egin du. Horretarako garai guztietako giza eskubideei begiratu behar zaiela adierazi du, eta iraganeko eskubide urratzeak ere aitortu behar direla.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Alfredo De Migue Gasteizkol auzitegira sartzen, 2018an. ©JAIZKI FONTANEDA / FOIKU

Haziren txosten batek dio De Miguel kalera zitekeela Gorenaren zain egon gabe

Xabier Martin

Eusko Jaurlaritzaren fundazioko kudeatzailearen txosten batek ohartarazi zuen bazeloa modua  Arabako EAJko bigarrena izan zena kaleratzeko, haren zigorra berretsi arte itxaron gabe. Eusko Legebiltzarreran igorri dute agiri hori.

Alonsotegiko udaletxea, artxiboko irudi batean. ©MONIKA DEL VALLE / FOKU

Alonsotegiko alkate ohiarentzat zazpi urteko espetxe zigorra eskatu dute

Iosu Alberdi

Prebarikazioa egitea, dokumentuak faltsutzea eta dirua bidegabe erabiltzea egozten die fiskaltzak Aitor Santiestebani eta beste bost laguni

Espeleologoak Lezetxikiko sistema karstikoaren barruan aurkitutako tunelaren alboan. ©LEZETXIKIREN LAGUNAK

Adifek eta Gipuzkoako Aldundiak txostenak egin zituzten galeria kaltetuaren inguruan

Xabier Martin

Espainiako Garraio ministro Raquel Sanchezek ziurtatu du Lezetxikiko aztarnategiak ez duela «inolako katerik» izan AHTaren tunela dela eta.

Inma Jurio PSNko parlamentaria, atzo, Nafarroako Parlamentuan. ©IÑIGO URIZ / FOKU

PSNk ontzat eman du Nafarroako torturen eta tratu txarren txostena

Mikel Elkoroberezibar Beloki

Navarra Sumak esan du Poliziari «oso eskertuta» dagoela: «Baina torturatu duena ez da gutarra». PSE-EEk ez zuen PSNren iritzi bera izan duela sei urte; «gatazka baten teoria elikatzen» zuela iritzita arbuiatu zuen txostena.

Torturari buruz «oraindik asko» dagoela ikertzeko nabarmendu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...