ENBAXADA BILA

Erreferentzia esparrua

Martxelo Otamendi - BERRIAko zuzendaria

2018ko martxoak 18
Gurea bezalako herrietako komunikabideetan aldiro aktibatzen den eztabaida da. Zer egin Espainian edo Frantzian sekulako indarrarekin sortzen diren gizarte albisteekin? Alegia, non hasten den eta non bukatzen den gure erreferentzia esparrua. Euskal sindikatuek «lan harremanen euskal esparrua» deritzotena gurera, alegia komunikaziora, ekarrita.

Adibide argia eduki dugu asteotan Espainiako hegoaldean hil berri duten ume baten kasuarekin. Sekulako olatu informatiboa sortu dute hilketa horren inguruko guztiarekin Espainiako komunikabideek; hainbesteraino, estatu auzi bat bihurrarazi dute.

Beste arazo batzuk estaltzeko ke laino baten itxura daukan kanpaina sortu dutenen benetako asmoetan sartu gabe tesi mardul baterako emango luke, azpimarragarria da zer gaitasun daukaten haien agenda markatu eta besteena baldintzatzeko.

Ez da aurreneko aldia gertatzen dena, eta ez da azkena izango. Gure irakurle askorengana Hego Euskal Herrikoak dauzkat gogoan iristen diren albisteak dira, sekulako indarrarekin iritsi ere, telebistako edozein kanal piztu eta besterik ez dagoelako.

Zorionez, irakurle horiek badakite zer espero dezaketen, zer bilatzen duten, komunikabide batean eta zer bestean. Alegia, barazkiak nahi dituztenean, jatetxe batera jotzen dute, eta arraina nahi dutenean, beste batera. Baina, segur aski, ez dute onartuko oilaskoa ematea barazkiak espero dituzten jatetxean. Beste horrenbeste egiten dute albiste tipologia horrekin.

Beste inoren etxean sartzeko asmorik batere gabe, ondo legoke herri txikiotako komunikabideotako langileok gogoeta egitea gai horrekin, bukaerako erabakia edozein dela ere, gutxienez jakinaren gainean hartu izan dadila, kontzientea eta argudiatua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna