TURIS
Herrialdea. Herrialde Katalanak.
Noiz. Osteguna.
Emanaldia. Forma eta kolore biziz betetako ikuskizunaz gozatu ahal izan zuten atzo suen zaleek, bezperakoak bertan behera geratu ondoren. Valentziako su etxeak ikuskizuna egitea lortu zuen, zailtasunen gainetik. Izan ere, su festarako eguraldirik egokiena egin ez bazuen ere, altuerekin jolas egin zuten Turis etxekoek, eta ikusleek gustura hartu zituzten zerua bete zuten suak. Zarataz beteriko ikuskizuna izan zen, eta azken zalaparta arrakastatsuarekin itxi zuten haizeak eta euriak baldintzatutako emanaldia.
GAURKO SUAK
Izena. Vulcano (lehiaketaz kanpoko su eta musika ikuskizuna).
Herrialdea. Espainia.
Berezitasunak. Ohi bezala, ikuskizun piromusikal berezi batekin agurtuko dute su festen jarduna Donostian. Madrilgo Vulcano etxeak badu eskarmentua horretan. 1980ko hamarkadan sortutako piroteknia bat da, eta espezializatuta dago ikuskizun tradizionaletan, su eta musika ikuskizunetan, musika duten multimedia ikuskizunetan, eta uretan, monumentu eta fatxadetan eginiko proiekzioetan. Ibilbide luzea dute. Brontzezko maskorra (2014) eta Zilarrezkoa (2019) irabazitakoak dira Donostian.
SU FESTEN NAZIOARTEKO LEHIAKETA
Iruzkinak
Ez dago iruzkinik
Ordenatu