Albistea entzun

Irudiak eskatu dituzte atzoko gertakariak argitu ahal izateko

Gaztetxea hustu zuteneko argazkiak bildu nahi dituzte gazteek, kaleratzea legezkoa izan den aztertzeko.

Udalaren jarrera salatu dute
Kortxoenearen aldeko manifestazioan jendetza bildu zen atzo.
Kortxoenearen aldeko manifestazioan jendetza bildu zen atzo. GORKA RUIBIO /ARP

Eskeine Legorburu -

2015eko azaroak 4 - Donostia

Kortxoenea husterakoan gertatu ziren liskarrak argitzeko argazkiak eta bideoak bilduko dituzte Kortxoeneko gazteek. Irudiak gaztetxera bideratzeko eskatu dute, eraikinaren barruan zeuden gazteak atera zituztenean gertatutakoa salatu ahal izateko. Izan ere, atzo egin zituzten adierazpenen arabera, «aurpegia estalia zuten gizonezko batzuk indarra erabiliz» sartu ziren gaztetxera, bertan gaua igarotzen ari ziren erresistentzia taldeko kideak ateratzeko.

Salatu dute kaleratze hori ez dela «legezkoa» izan, «hori egiteko eskumenik ez dutelako» pertsona horiek. Kaleratzea egiteko, «epaile baten agindua» beharrezkoa da, eta, jabeak administratiboki eraikina botatzeko baimena izan arren, esan dute inork ez duela epaileren baimenik erakutsi kaleratzeak egiteko. Atzo kaleratze unean Kortxoenean zeudenen irudiak aztertu nahi dituzte gaztetxeko kideek.

Udalaren jarrera salatu dute

«Kortxoenea gaztetxea gaur lurrera bota izanak agerian utzi du nolako hiri eredua sustatu nahi duten EAJk eta PSEk Donostian», EH Bilduren esanetan. Eneko Goia alkateak eta Ernesto Gasco alkateordeak kultur hiriburua aurkeztu izana «metafora adierazgarria» dela adierazi du Donostiako koalizioak: «Turistak erakartzeko nahi dute kultura, baina ez sormena garatzeko. Eta are gutxiago, noski, sormen hori modu autogestionatu baten bidez lantzeko».

Koldarkeria politikoa ere salatu du taldeak, «arduradun instituzional nagusiak «ezkutatu» egin direlako. Gizarte mugimenduekiko eta herritarrekiko harremana ulertzeko moduaren inguruan kezka agertu du koalizio abertzaleak, elkarrizketen erdian, udal gobernuak gazteei aldez aurretik ezer esan gabe baimendu duelako eraikina botatzea.

Gazte Abertzaleak taldeak ere bat egin zuen atzo manifestazioarekin, eta gogora ekarri du «gazteen partaidetza eta antolakuntza dinamikoak posible egiten dituzten guneen defentsa irmoa» egiten duela taldeak. «Ertzaintzaren bortizkeria» ere salatu du, eta horren aurrean «autokudeaketaren gaia gazteen antolaketaren berezko esparru bilakatzea garrantzitsua» dela deritzote.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maiaren adierazpenen aurkako protesta egin zuten ostegunean, SOS Arrazakeriak deituta. Irudian, manifestari bat, alkatearen aurkako afixa batekin. ©JESUS DIGES / EFE

Maia, datuek gezurtatua: delituen %0,3 dagozkie migratzaile adingabeei

Ion Orzaiz

Adingabeen Fiskaltzak 522 espediente ireki zituen iaz Nafarroan, eta soilik 99 izan ziren migratzaileei egotzitakoak. Iruñeko alkateak dioenaren kontrara, delitu horien ehunekoa apaldu egin da 2019tik
Frantziako Polizia osasun ziurtagiria eskatzen, Miarritzeko ostatu batean. ©GUILLAUME FAUVEAU

Txertatze ziurtagiriaren alde egin du Konstituzio Kontseiluak

Oihana Teyseyre Koskarat

Astelehenetik goiti beharrezkoa izanen da Ipar Euskal Herriko hainbat leku publikotara sartzeko. Kontseiluak atzera bota du ekitaldi politikoetan parte hartzeko agiria eskatzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.