Noiz sortua: 2018-09-28 00:30:00

Espainiako Haur Literatura saria, Juan Kruz Igerabideri

'Abezedario titirijario (letren txotxongiloa)' liburuagatik saritu dute. Epaimahaikideek idazlearen hizkuntza poetikoa nabarmendu dute
Juan Kruz Igerabide.
Juan Kruz Igerabide. J.C. RUIZ / FOKU Tamaina handiagoan ikusi

Amagoia Gurrutxaga Uranga -

2018ko irailak 28

Abezedario titirijario (letren txotxongiloa) liburuko hizkuntza poetikoaren erabileran «maisutasuna» ikusi dute Espainiako Haur eta Gazte Literatura Sariko aurtengo epaimahaikideek. «Hizkuntza poetiko hori oihartzun sinbolisten aliterazioekin, nonsense umorearekin, absurduarekin, fantasia rodariarrarekin eta euskal ahozko tradizioarekin elikatzen da», erantsi dute.

Juan Kruz Igerabidek (Aduna, Gipuzkoa, 1956) idatzia da liburua; Denonartean etxeak argitaratua; 5-7 urteko irakurleentzako moduko gisa sailkatua; katalanera, galegora eta gaztelerara itzulia. 20.000 euro jasoko ditu idazleak sari. «Egoskorra» izaki, saririk gabe ere idazten segituko lukeela adierazi zuen atzo bertan, saria eman ziotela jakin berritan. Halako sari batek idazteko animoa areagotu dezakeela ere erantsi zuen, albistearekin zorabiatuta zegoela nabarmenduta.

Espainiako Kultura Ministerioak ematen du Igerabidek jaso duen saria, eta epaimahaia osatu dute Olvido Garcia Valdesek (presidente), David Garcia Rivasek (presidenteorde) eta bost eledunek: Soledad Puertolas, Maria Pilar Jimenez, Mariasun Landa, Josep Gonzalez-Agapito eta Mari Jose Olaziregi. Espainiako estatuan ofizialak diren hizkuntzetako edozeinetan idatzitako lanak dira saria jasotzeko hautagaiak.

Lehenago ere saritua

Atzo jakinarazi zutena ez du lehen saria Igerabidek. Ezta irakurle gazteenentzako lehen lana ere. Izan ere, haur eta gazte lateraturako 30etik gora liburu eman ditu orain artean. Ezagunenetako bat, 1999an Euskadi Haur eta Gazte Literatura Saria eman zion Jonas eta hozkailu beldurtia. Igerabidek Jonasen abentura gehiago idatzi izan ditu gerora.

Baporea Saria ere bi aldiz eman diote, Gau, gau, gau. Oi zein ituna (1997an) eta Kakotxen k herrialdea (2006an) lanengatik. Haurrentzako poesia liburuak ere idatzi izan ditu: Kartapazioko poemak (1998) eta Hosto gorri, hosto berde (2002), besteak beste.

Helduentzako lanetan, poesiaz gain, eleberriak —Hamabi galdera pianoari lehena, 1999an—, narrazioak —Izar bat agertu da, 2001ean—, aforismoak —Labur txintan azkena, iaz— zein saiakera landu izan ditu. Bularretik mintzora (1993) saiakeran, hain zuzen ere, ahozko tradizioa aztertu zuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Distantziak mantentzeko ezarritako markak, San Frantziskoko (AEBak) parke batean. ©JOHN G. MABANGLO / EFE

5,5 milioi kasu baieztatu dira munduan

Berria

AEBetan baieztatu dira positibo gehien: 1,6 milioi. Herrialde horretan ia 100.000 lagun hil dira. Munduan, denera, 379.157.

<b>Itzulera.</b> Ikasle bat, ikasgelan, maskara jantzita, Donostiako Axular lizeoan, atzo. ©GORKA RUBIO / FOKU

Ezohiko itzuleran, zorroztasunez

Irati Urdalleta Lete

Konfinamendua arintzeko bigarren fasean sartu da Hego Euskal Herria. Ikasgeletara itzuli dira Arabako, Bizkaiko eta Gipuzkoako hainbat ikasle. Uriartek «normaltasuna» azpimarratu du

<b>ELA, LAB, UGT, CCOO eta Steilas sindikatuek protesta antolatu zuten atzoko, Gasteizen.</b> ©JAIZKI FONTANEDA / FOKU

Itzulerako osasun neurriak langileekin negoziatzeko exijitu dute sindikatuek

Amaia Ramirez de Okariz Kortabarria

Hezkuntza Sailaren «aldebakarreko» erabakia salatu dute. Ikastetxeak errefortzurako eta selektibitatea prestatzeko ireki dira, haien arabera

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna