Albistea entzun

Juan Jose Baños Loinaz izendatu dute RTVEko administrazio kontseilurako

Urtzi Urkizu -

2018ko uztailak 5

Espainiako Kongresuak RTVEko administrazio kontseiluko sei kide berri izendatu zituen atzo, PSOE, Unidos Podemos, EAJ, ERC eta PDeCAT alderdien aldeko botoekin. Izendatuen artean Juan Jose Baños Loinaz Noticias taldeko zuzendari nagusia dago —jeltzaleek proposatu dute, Podemosekin eta PSOErekin adostutako zerrendan—. Baños Loinaz Deia-ko zuzendaria izan zen 1996tik 2005era, eta, gero, Itelazpi telekomunikazio enpresako zuzendari nagusi kargua bete zuen.

RTVEko administrazio kontseiluko kide izendatu dituzten beste bostak Rosa Maria Artal, Cristina Fallaras, Concepcion Cascajosa, Victor Sampedro eta Tomas Fernando Flores dira. Azken hori da RTVEko presidente kargurako PSOEk eta Unidos Podemosek aurkeztu duten profesionala. Flores Radio3 irratiko zuzendaria da, eta datozen astean izenda dezakete presidente. Diego A. Manrique musika kritikariak hala idatzi du: «Floresek nagusi gisa zentsuraren eta izuaren politika erabiltzen du».

Ciudadanoseko diputatuak Kongresutik irten ziren, eta ez zuten bozketan parte hartu. PPk helegite bat jarriko du aste honetan Espainiako Auzitegi Konstituzionalean, RTVE berritzeko PSOEren gobernuak onartu berri duen dekretuaren aurka.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

A Currilingua, korsikeraren erabilera aldeko Korrikaren 65. kilometroan, iaz, lehen aldian. ©PARLEMU CORSU

Uhartea korrika korsikeraz

Ainize Madariaga

A Currilingua eginen dute bihar, korsikeraren aldeko egun bakarreko Korrika, Aleriatik Bonifaziurat. Bigarren aldiak parte hartzaile haboro dauzka, eta kilometro haboro hego muturreraino.
Xabier Urizar maila goreneko txokolatearen dastatzailea, txokolatea aztertzeko mapa eskutan duela. ©IDOIA ZABALETA / FOKU

Txokolatearen sekretuak

Olaia L. Garaialde

Xabier Urizar maila goreneko txokolatearen dastatzaileak hezkuntza eta txokolatea uztartzen ditu. Dastaketa baten nondik norakoak azaldu, xehetasunak aztertu eta mitoak apurtzen ditu.
 ©HBO MAX

Jolas parkeak, androideak eta gizatasuna

Mikel Yarza Artola

HBOren 'Westworld' telesailak laugarren denboraldia estreinatu du. Gizakien eta androideen arteko talka da nagusi thriller ilun honetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.