Aurten 25 urte bete ditu klasikoen bildumak

«Bilduma estrategikoa» da Literatura Unibertsala, Iñaki Iñurrieta EIZIEko presidentearen ustez. Aurten 25 urte bete ditu sailak. «Esaten da euskarazko itzulpengintzak aurrerapauso handiak eman dituela azken 30 urteotan, eta iruditzen zait bilduma ardatz inportantea izan dela horretan». Sailaren hiru aldi bereiziko lituzke: «1990etik 2002ra, 100 titulu argitaratu genituen; 2010ean 153.era heldu ginen; eta hirugarrenean espero dugu 200.era iristea eta aurrera jarraitzea».