EITB Focusen inguruko gardentasuna eskatu du legebiltzarrak

Edu Lartzanguren -

2019ko martxoak 12
Besteak beste, boto asmoaren inguruko galdeketak egiten dituzte tarteka EITBren albiste zerbitzuek, EITB Focus izenpean. Aurrerantzean, galdeketak egiteko erabiltzen duten metodologiari buruzko azalpenak aurretik eman beharko dituzte, EH Bilduren eta Elkarrekin Podemos legebiltzarreko taldeek atzo EITBren kontrol batzordean aurkeztu zuten ekinbidea onartu ostean.

«Eusko Legebiltzarrak EITBko zuzendaritzari eskatzen dio aurkeztu dezala bi hilabeteko epean EITBren Kontrol Batzordean zein Administrazio Kontseiluan informazio bilketa eta datuen analisirako metodologiaren marko enpirikoa ezartzeko irizpide profesional estandarizatuetan oinarritutako proposamena». Hala dago jasoa atzo onartutako testuan.

Galdeketon emaitzak, gero, «hainbat albistegi eta saiotan erabiltzen dituzte informazio iturri moduan; beraz, iritzia ere sortzen dute», esan zuen Josu Estarronak atzo, batzordean.

Galdeketen metodologia plazaratuta, haien diseinua eta edukiak «gardentasunez» hautatu ahalko dira, «susmoak uxatzeko», Estarronak atzo esan zuenez. Horrez gain, ikerketak egiteko lanak lehiaketa publikoaren bitartez adjudikatu beharko dituztela erabaki zuen legebiltzarrak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna