Albistea entzun

Katalunia. Independentziarako bidean

Kereila gaur aurkeztuko du fiskaltzak

Kataluniako Auzitegi Gorenaren Fiskaltzak gaur salatuko ditu Mas, Rigau Hezkuntza sailburua eta Ortega presidenteordea
Larunbatean hasi zen fiskaltza A-9ko ustezko delituak ikertzen. Irudian, Mas eta Ortega presidenteordea.
Larunbatean hasi zen fiskaltza A-9ko ustezko delituak ikertzen. Irudian, Mas eta Ortega presidenteordea. M. PEREZ / EFE

Adrian Garcia -

2014ko azaroak 12

Fiskalak gaur aurkeztuko du kereila Artur Mas Kataluniako presidentearen eta bi kontseilariren aurka, A-9a antolatzean eginiko ustezko delituengatik. Efe agentziak eman du albistea, Kataluniako Auzitegi Gorenaren Fiskaltzako iturriak aipatuta. Iturri horien arabera, atzo arratsaldean fiskaltzak zirriborroa prest zuen. Mas, Joana Ortega presidenteordea eta Irene Rigau Hezkuntza sailburua eramango dituzte auzitara. Rigau, ikastetxeetan kontsulta egiteko baimena emateagatik. Desobedientzia eta prebarikazioa egitea, eta funtsak bidegabe erabiltzea leporatuko liokete hiruei, Eferen iturrien arabera. Hirurak forudunak diren arren, errudun jotzekotan auzitegiak inhabilitatu ditzake.

A-9rako botopaperak egitearekin zerikusia duten kontseilarien aurka ere egin dezake fiskaltzak. Kataluniako espetxetako presoek egin dituzte, eta, beraz, Germa Gordo Justizia kontseilari ere inputatu dezakete. Hasieran behintzat, areto publikoetan galdeketa egitea baimendu duten arduradunen aurka ez dute egingo. Larunbatean hasi zen fiskaltza A-9ari lotutako ustezko delituak ikertzen. Espainiako Konstituzio Auzitegiak prozesu parte hartzailea bertan behera utzi zuen, Espainiako Gobernuak inpugnatu ondoren.

Eduardo Torres-Dulce Estatuko fiskal nagusiak atzo eguerdian esan zuen fiskaltzak «presarik gabe» hartuko zuela auziari buruzko erabakia.

Masek atzo eginiko prentsaurrekoan esan duenez, prozesuarekin aurrera jarraituko dute. «Lasai gaude. Ez dugu ezer txarrik egin. Fiskaltzak ez gaitu kikilduko». Kezkagarria zaio Kataluniako presidenteari auzitegiek hartutako norabidea. «PPk aurreratzen du fiskaltzak egingo duena. Ez nuke ikusi nahi justizia PPren aginduetara». Izan ere, PPko hainbat kidek iragarri dute azkenaldian auzitegiek Generalitatearen aurka egingo zutela. Azkena Alicia Sanchez-Camacho PPCko burua izan da. Atzo iragarri zuen Espainiako telebista saio batean fiskaltzak aurkeztuko zuela salaketa. «Gaur goizean [atzo] aurkeztuko dute kereila. Oinarri juridiko sendoak ditu eta hiru delitu leporatuko dizkiete».

Baina Kataluniako hainbat epailek uste dute salaketak ez duela aurrera egingo. Kataluniako Iruzurraren Aurkako Bulegoko zuzendari Daniel de Alfonso da horietako bat. Catalunya Radiori eginiko elkarrizketa batean esan duenez, Estatuak ezingo du Generalitatearen aurka egin A-9a antolatzeagatik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Espainiako Polizia Ukrainaren enbaxadaren ingurumarietan, atzo. ©Chema Moya, EFE

AEBen enbaxadakoei eta Pedro Sanchezi ere bidali dizkiete lehergaiak

Uxue Rey Gorraiz

Sei dira guztira atzemandako bonbak; horietatik bost azken orduetan atzeman dituzte, Espainiako Defentsa Ministerioan, AEBen eta Ukrainaren Madrilgo enbaxadetan, Zaragozako arma lantegi batean eta Torrejon de Ardoz herriko aire basean. Pedro Sanchezen aurkako bonba bat atzeman zuten azaroan. Antzeko ezaugarriak dituzte, eta agian gehiago egongo direla ohartarazi dute.

 ©ROMAN PILIPEY / EFE

Errusiak ez du onartuko Ukrainako gerra krimenetarako auzitegirik

Mikel O. Iribar

Kremlinek «ilegitimotzat» jo du Europako Batzordeak egindako proposamena. Zelenskiren arabera, sei milioi herritar daude argindarrik gabe Ukrainanan.

Hainbat lagun, Israelgo armadak herenegun hil zuen palestinar baten hiletan, Beit Rema herrian, Zisjordanian. ©ALAA BADARNEH / EFE

Israelgo armadak beste bi palestinar hil ditu tiroz, Zisjordanian

Mikel O. Iribar

Jeningo errefuxiatuen kanpalekuan egin dute sarekada Israelgo indarrek. Zortzi palestinar hil dituzte 72 orduan, eta hamar astebetean. NBEk onartu egin du 2023an Nakbaren 75. urteurrena oroitzeko ebazpena.

Elikadurarekin lotutako laguntza izan da aurten gehien hedatu dena. Irudian, elikagaien banaketa, Mendebaldeko Saharan. ©EFE

339 milioi lagunek beharko dute laguntza humanitarioa 2023an, NBEren arabera

Mikel Elkoroberezibar Beloki

Inoizko finantzaketarik handiena beharko du NBEk —ia 50.000 milioi euro— 68 herrialdetan laguntza humanitarioa eman ahal izateko datorren urtean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...