Albistea entzun

Bostehungarren 'Hitza' dute

Zenbaki borobila da gaurkoa herrialdeetako 'Hitza' astekarientzat: 500. zenbakia argitaratu dute

Azal berezia argaitaratu dute gaur Nafarroako, Bizkaiko, Gipuzkoako eta Ipar Euskal Herriko <em>Hitza</em> astekariek.
Azal berezia argaitaratu dute gaur Nafarroako, Bizkaiko, Gipuzkoako eta Ipar Euskal Herriko Hitza astekariek. BERRIA Tamaina handiagoan ikusi

Olatz Esteban Ezkati -

2021eko uztailak 16

Azaroan 11 urte beteko dira Nafarroako, Gipuzkoako, Bizkaiko eta Ipar Euskal Herriko lehen Hitza argitaratu zenetik, baina gaurkoa ere egutegian markatzeko eguna dute: 500. zenbakia atera dute inprentatik. Ostiralero argitaratzen dituzten astekariak dira, eta BERRIA taldearen ekimenez sortu ziren. Araban, Hitza-rik ez dagoen arren, Alea astekaria sortu zuten duela sei urte BERRIAk, Goiena taldeak eta Geu Gasteiz euskara elkarteak.

Urteak dira lehen hazia erein zutela, eta proiektua sendotuz joan da. Ibai Maruri Bizkaiko Hitza-ko zuzendariak nabarmendu du bilakaera bat izan dela: «Hasieran, oso ondo definitu gabe egon ziren, eta apurka-apurka nortasun bat irabaziz joan gara». Hain zuzen ere, lau herrialdeetako Hitz-etako arduradunek azaldu dute erro beretik sorturiko lau adar izan arren bakoitzak bere bidea eta nortasuna garatu duela.

Nafarroako Hitza-ren kasuan, izan zuen aitzindaririk, eta haren lekukoa hartu dute, Edurne Elizondo zuzendariaren hitzetan: «Nafarkaria-ren aitzindaria izanda, bete beharreko hutsune bat zen». Euskarazko astekaria zen Nafarkaria, baina Nafarroako Gobernuak diru laguntzak kendu zizkiola-eta, itxi egin behar izan zuten. «Nafarroako Hitza-k bete du hutsune hori, baina, aldi berean, bere bide propioa ere egin du, zabalagoa ere bai agian».

Bakoitzak bere bidea eginez ere, norabide berean doaz. «Pluraltasun» bat lortzeko ahaleginetan aritzen dira astero, Unai Zubeldia Gipuzkoako arduradunaren esanetan, bai lurraldetasunari dagokienez, baita gaiei dagokienez ere. Halaxe azaldu du Marurik ere: «Badakigu gure gaiak sortzen, agendatik kanpo dagoena lantzen, ahotsik ez dutenei edo herriko eragileei ahotsa ematen».

Bazterreko ahotsen entzule

Egunerokoaren martxa azkarrean ibili behar ez izateak patxada ematen die gaiak hautatu eta sakonago jorratzeko. «Guk aukera handiagoa dugu arlo humanoago hori lantzeko, gauzen atzean zer dagoen ezagutzeko», dio Zubeldiak. Elizondok uste du kazetaritzaren esparruan bide «ederra» egiteko aukera dela: «Opari bat da astero hainbat gai jorratzea eta horiei sakontasun handiagoa eskaintzea». Uste berekoa da Iñaki Etxeleku Ipar Euskal Herriko arduraduna ere. «Beste angelu batzuk» bilatu nahian aritu ohi dira, Ipar Euskal Herriko gizartean dauden eztabaidagaietara hurbilduz, baina «ahots gutxien dutenei» hitza emanez.

Euskaraz bizi den astekari bat izanik, hizkuntzaren normalizazioan ere giltzarria da Hitza, eta betetzen duen funtzioa oso presente du Etxelekuk. Jakitun dago Ipar Euskal Herriko gau eskoletan beren testuak ikasmaterialen parte direla, eta baita euskarazko komunikabideak irakurtzeko ohituren pizgarri ere. Hori horrela, ahalegin berezia egiten dute hizkuntzaren lanketan, eta baita Ipar Euskal Herriko euskal komunitatearen bozgorailu izan dadin ere: «Guk ez badugu egiten, komunikabide erdaldunek ez dute egingo».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Aurtengo sanferminak «atzera pauso bat» izan direla salatu dute zenbait herri eragilek

Iker Tubia

Guztion Sanferminak ekinbidea aurkeztu dute Iruñeko bestetan «kalteturiko» eta «jazarritako» herri eragileak batu eta egoera salatzeko. Azken asteetako debekuen kontra ere mintzatu dira.

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...