Albistea entzun

«Klase gabeko gizartea» sortzeko xedea berretsi dute GKSk eta IAk Altsasun

Azken bi urteetan egindako lana goratu dute bi antolakundeek Gazte Topagune Sozialistako ekitaldi politikoan. Ehunka gazte elkartu dira.

GKSren eta IAren ekitaldi politikoa, atzo, Gazte Topagune Sozialistako gune nagusian.
GKSren eta IAren ekitaldi politikoa, atzo, Gazte Topagune Sozialistako gune nagusian. JAGOBA MANTEROLA / FOKU Tamaina handiagoan ikusi

Berria -

2021eko urriak 12

GKS Gazte Koordinakunde Sozialistak eta IA Ikasle Abertzaleek antolatutako Gazte Topagune Sozialistak ehunka gazte bildu ditu ostiralaz geroztik Altsasun (Nafarroa). Mugimendu sozialistak estrategikotzat dauzkan auzien inguruan eztabaidatzeko guneak aisialdira bideratutakoekin uztartu dituzte hartan.

 

Egunotako elkargunea azken urteetako antolakuntza lanaren «ondorio» dela nabarmendu zuten atzo arratsaldean egin zuten ekitaldi politikoan. «Azken bi urteetan bildu dugun gaitasunaren emaitza» da topagunea, azaldu zion Ane Ibarzabal GKSko kideak berripaper honi. GKSk eta IAk beren proiektu politikoaren berrespena ere egin zuten atzoko ekitaldian. «Klase gabeko gizartea eraiki nahi duen proiektuarekin lerrokatuta gaude», azpimarratu zuen Ibarzabalek.

Proiektu hori nola garatu ere izan dute hizpide egunotan. Larunbatean, esaterako, Krisi kapitalista eta estrategia sozialista berriaren oinarriak hitzaldia egin zuten. «Komunismoaren esperientzia historikoaren irakurketa kritikoa egin zen» hartan, Ibarzabalen arabera, eta irakaspenak atera zituzten hortik: «Zer jaso dezakegun eta zer txertatu gure lan politikoan».

«Askatasuna», lehengoan

Lan hori egiteari berari pandemiaren testuinguruan oztopoak jarri izan zaizkiola salatzen eman du azken ikasturtea GKSk, hain zuzen. Neurri murriztaile ia guztiak bertan behera utzi izanak ez du aldarazi antolakundearen mezua. «Berresten dugu pandemiaren harira askatasun politikoa deuseztatzen ari dela. Sistematikoa da, eta, nahiz eta orain biltzeko aukera dugun, ez dago askatasun politikorako bermerik; ezta proletariotzarentzat politika egiteko ere», azaldu zuen Ibarzabalek.

Urte politiko honetan, GKSren zutabeetako bat hori izango da, horrenbestez. Horrez gain, «kultura komunistaren aldeko lanean» zentratuko direla aurreratu zuen Ibarzabalek. «Gure proiektu politikoaren aldeko baldintza kulturalak eraikitzea esan nahi du horrek, lanketa ideologikoa eginez eta eztabaidarako guneak sortuz».

Gaur eguerdian emango diote amaiera bost eguneko topaguneari, Hispanitatearen Egunaren aurkako hitzaldi batekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eusko Legebiltzarreko osoko bilkuren aretoa, artxiboko irudian ©Jaizki Fontaneda/ Foku

Eusko Legebiltzarrak ez du lortu ETA «gaitzesteko» adierazpen instituzionala adostea

Edurne Begiristain

ETAren amaieraren hamargarren urteurrena dela eta, testu bat onartu dute EAJk, PSEk, Elkarrekin Podemos-IUk, PP+C´s-ek eta Voxek. EH Bildu ez da batu adierazpenera.

Sortuko ehunen bat kide, atzo, Donostian plazaratutako adierazpenean. ©JAGOBA MANTEROLA / FOKU

Bakerako eta elkarbizitzarako «ausardiaz» segituko du Sortuk

Enekoitz Esnaola

«Aterabide demokratikoa» eskatu du ETAren jarduera armatuaren bukaeraren 10. urteurrenean

Iñigo Urkullu —erdian—, Beatriz Artolazabalen eta Maria Jauregiren artean, atzoko ekitaldian. ©ARITZ LOIOLA / FOKU

Urkulluk esan du ETA «hanka sartzea» izan zela, «hasieratik amaieraraino»

Gotzon Hermosilla- Joxerra Senar

«Memoria zintzoa» aldarrikatu du ETAren biktimak gogoratzeko ekitaldian. Txibitek positibotzat jo du ezker abertzaleak «eragindako mina aitortu izana»

Biktima guztientzat errekonozimendua eskatzen duen kartel bat, Eusko Legebiltzarraren parean. ©JUANAN RUIZ / FOKU

Memoria duen etorkizunera

Iosu Alberdi

EAEko Ahal Dugu-k «espazio partekatu bat» eraikitzeko beharra adierazi du. Sozialistek «demokraziaren garaipena» aldarrikatu dute; Covitek ukatu egin du halakorik gertatu izana

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.