Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Elikagai bankuek bonu bidezko laguntza kanpaina abiatu dute

Ohikoena janaria biltzea izaten bada ere, aurten, COVID-19a dela medio, erosketak egitean diru ekarpena eginez lagundu ahal izango da
Boluntarioak Basauriko elikagai bankuan, atzo.
Boluntarioak Basauriko elikagai bankuan, atzo. MIGUEL TOÑA / EFE Tamaina handiagoan ikusi

Erredakzioa -

2020ko azaroak 17

Aurtengo hirugarren kanpaina abiatu dute elikagai bankuek Hegoaldean. Atzo hasi zen, eta hilaren 21era arte egingo da. Urteko indartsuena izan ohi da neguari begirakoa. Ohikoa izaten zen saltoki handietan boluntarioak ikustea erosleek elikagaiz betetako poltsak jasotzen, baina aurten ezaugarri berezi batekin dator: Arabako zazpi saltoki handietan izan ezik, elikagai bankuek kanpaina egin ohi duten gainerako saltoki handietan erosketak egiteko orduan eskainiko zaie herritarrei elikagai bankurako ekarpena egiteko aukera, bonu laguntzen bidez. Bonu laguntza hori saltokiaren kontuan geratzen da, eta elikagai bankuak jasotako diruarekin erosiko ditu biltegiak hornitzeko behar izaten diren elikagaiak.

Elikagai bankuetako arduradunek esan dute ez dutela dirua eskatu ohi, aukeran elikagaiak hartzea nahiago dutelako, baina aurten, COVID-19a dela eta, mugikortasuna mugatuta dagoenez, eta jende asko elkartzea saihestu behar denez, aukera horren alde egin dutela. Gainera, elikagaiak esku askotatik pasatzeak ere segurtasuna murrizten duelakoan, erabaki dute bonu laguntzen bidea jorratzea aurten.

Denis Itxaso Espainiak Euskal Autonomia Erkidegoan duen ordezkariak nabarmendu du aurten bereziki garrantzitsua dela egitasmo honekin bat egitea: «Batez ere, biltegiak ondo hornituta manten daitezen eta baliabide gutxien dituztenei behar besteko arreta bermatzeko». Izan ere, premiak gora egin duela onartu zuen. Horregatik, Basauriko elikagai bankura (Bizkaia) egindako bisitan, dei egin zuen jendeak erruz parte har dezan, ekarpenak eginez.

Elikagai bankuen webguneetan dago informazio osagarria. Zer motatako bonu laguntzen bidez zer janari erosten diren azaltzen dute. Milaka boluntariok parte hartu ohi dute janari bilketaren kanpainan. Aurten, biltegietan batuko dira, gutxiago, jasotzen dena antolatu eta beharrean dauden milaka etxetara janaria banatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Labik urriaren 5ean egin zuen azken bilera ©Jaizki Fontaneda/ Foku

Urkulluk etziko deitu du Labiren bilerara, osasun larrialdia ezartzeko

Edurne Begiristain

Osasun larrialdia ezartzearekin batera indarrean sartuko diren neurri murriztaile berriak adostuko dituzte bileran. COVID ziurtagiria noiz eta nola ezarriko den ere zehaztuko dute.

Hiesa: GIB positiboen ahotsa

Hiesaren Aurkako Nazioarteko Eguna da gaur

Paulo Ostolaza - BerriaTB

Aurten bete dira 40 urte lehen kasuak agertu zirenetik. GIB positibo diren bi pertsonari eman nahi izan die hitza BERRIAk: Joseba Errekalderi eta Josu Unanueri. 1990eko hamarkadan jakin zuten seropositibo zirela, eta ordutik hona bizi izandakoak kontatu dituzte. BERRIAk sakon landu zuen gaia igandean.

Herritar batuk, larunbatean Iruñean, ziurtagiria erakusten. / ©Idoia Zabaleta, Foku

Gorenak baimendu egin du ziurtagiria eskatzea Araban, Bizkaian eta Gipuzkoan ere

Jon Ordoñez Garmendia - Ion Orzaiz - Irati Urdalleta Lete

Espainiako Auzitegi Gorenak onartu egin du Eusko Jaurlaritzaren helegitea, eta ebatzi du zenbait tokitan sartzeko ziurtagiria aurkeztu beharra «egokia, beharrezkoa eta proportziozko neurri bat» dela.

Gasteizen, Armentiako gas putzuak ustiatzeko proiektuan atzera egin behar izan zuen Jaurlaritzak. ©JAIZKI FONTANEDA / FOKU

Interes orokorra eta udal eskumenak aurrez aurre jarriko dituen zuzenketa bidean da

Jone Arruabarrena

Pil-pilean dago legearen inguruko eztabaida, EAJ eta PSEk aurkeztutako zuzenketaren ondoren. Zuzenketa onartuz gero, litekeena da ondorioak izatea udalen eskumenetan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.