Espetxe eskumenak premia eta lehentasuna duela diote EAJk eta EH Bilduk

Eusko Legebiltzarreko Lan eta Justizia Batzordeko bost taldeetako ordezkariak Zaballako espetxean izan dira. Lau orduko bisita egin dute
Eusko Legebiltzarreko Lan eta Justizia Batzordeko bost taldeetako ordezkariak, atzo, Zaballako espetxe atarian.
Eusko Legebiltzarreko Lan eta Justizia Batzordeko bost taldeetako ordezkariak, atzo, Zaballako espetxe atarian. BERRIA Tamaina handiagoan ikusi

Enekoitz Esnaola -

2019ko otsailak 2

Espainiako Gobernuak espetxe eskumena datorren urteko urtarrilerako agindu dio Jaurlaritzari, eta Eusko Legebiltzarreko taldeak ari dira espetxe eredua finkatze aldera lan batzuk egiten. EH Bilduren ekimenez, Lan eta Justizia Batzordeko bost taldeak atzo Zaballako (Araba) kartzelara joan ziren, nola funtzionatzen duen ikusteko, eta, otsailean edo martxoan, espetxe ereduari buruzko saio monografikoa egingo dute EAEko parlamentuan. Eskumena izateak «premia» eta «lehentasuna» daukala esan dute bi talde nagusiek: EAJk eta EH Bilduk.

Elkarrekin Podemos, PSE-EE, PP eta bostak joan dira Zaballara, eta lau orduko bisita egin dute. Kartzelako zuzendaritzak, taldearen aurkezpena egin ostean, azpiegiturei, presoen soslaiei eta okupazio mailari buruzko azalpenak eman dizkie, eta instalazioak ezagutu dituzte. Besteak beste, EAJtik Jone Berriozabal eta Unai Grajales joan dira, EH Bildutik Jone Goirizelaia eta Julen Arzuaga, Elkarrekin Podemosetik Juan Luis Uria, PSE-EEtik Alexia Castelo eta PPtik Nerea Llanos.

EAJk prentsa ohar baten bidez adierazi du Gernikako Estatutuan eta Jaurlaritzako gobernu akordioan jasota dagoela espetxe eskumena, eta aintzat hartzeko exijitu dio Espainiako Gobernuari. «Deitoratu» egin du Madrilek «espetxeen kudeaketaren» negoziazioa aurtengo uztailera arte «atzeratu» izana eta 2020ko urtarrilean ixtea aurreikusi izana. «Eskumena premiazkoa dela uste dugu. Ezin da inoren apetaren mende egon. Ez dago arrazoirik atzeratzea edo legea bete gabe uztea justifikatzeko. Legea bete egin behar da, eta estatutua legea da, batzuek komeni zaienean soilik gogoratzen badute ere».

EH Bilduko ordezkaritzak espetxe atarian hitz egin du. Goirizelaiak azaldu du Zaballako bisitarekin ikusi dutela «gauza batzuk ondo» egiten ari direla kartzela hartan, baina uste du eskumenarekin «gauzak hobetu eta beste era batera» egin daitezkeela. Transferentzia egitearen «premia» aldarrikatu du.

PP ere mintzatu da, baina ez bisitan izan den kide baten bidez, Iñaki Oiarzabal EAEko zuzendaritzakidearen bitartez baizik. Esan du ez dela hau eskumena igortzeko «garaia». «[EH] Bilduri besotik helduta, [Espainiako] Konstituzioari hordagoa jo dio EAJk. Estatutua gainditu nahi dutenek horko eskumenak eskatzeak broma bat dirudi», Oiarzabalen arabera. ETAren kontua ere atera du PPk, eta iritzi dio EAJk, eskumenarekin, «gustura» utzi nahi dituela EH Bildu eta «Batasunaren eta ETAren munduak».

Egun bost euskal preso baino ez daude Zaballan: Langraiz bideko lau eta EPPK-ko bat.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Zarauzko (Gipuzkoa) hondartz, ekainean. ©Juan Carlos Ruiz / FOKU

Zarauzko Talai Mendi kanpinean PCR probak egiten dabiltza, bezero ohi batek positibo eman ostean

Amaia Ramirez de Okariz Kortabarria

Langileei PCR probak egin dizkiete, eta etxera bidali dituzte. Bezero batzuei ere egin dizkiete probak. Emaitzak jaso bitartean kanpinera inor ez sartzeko ez ateratzeko eskatu dute.

Parke bat hutsik, iragan apirilean, Bilbon. ©Luis Tejido / Foku

Bilboko udaleku batzuetan positibo bat atzeman dute, eta 38 lagun bakartu dituzte

Berria

Haur bati COVID-19a detektatu diotela-eta, haren kideek, begiraleek eta horien guztien bizikideek hamar egun igaro behar dituzte etxean, bakartuta.

Hainbat herritar, Iruñean, maskara jantzita. / ©Iñigo Uriz, Foku

Maskarak erabiltzea derrigorrezkoa izango da Hego Euskal Herrian

Joxerra Senar

Araban, Bizkaian eta Gipuzkoan, bihartik aurrera kalean ere jantzi beharko da maskara; Nafarroan, etzitik aurrera. Igerilekuetan eta hondartzan, maskara jantzi beharkoa da, bainua hartzeko izan ezik. Kirola egiteko orduan edo naturguneetan ken daiteke. Jaurlaritzak botila festa debekatu egin du.

Herritarrak PCR proba egiteko zain. ©Jon Urbe / Foku

80 kasu gehiago Hegoaldean, eta lehen hildakoa Nafarroan ekainaren 11tik

Edu Lartzanguren

Gipuzkoan indarrez ari da izurria: 41 kasu baieztatu dituzte. Iruñean beste agerraldi bat atzeman dute, eta gutxienez hiru lagun kutsatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna