Albistea entzun

Etxebizitza kooperatiben eredua probatuko du Jaurlaritzak

Alokairurako etxeak sustatuko ditu Donostian; Etxebizitza Planaren berrikuntzetako bat izango da. Alokairua izango du oinarria
Etxebizitza eraikin bat, Gasteizen, atxiboko irudi batean.
Etxebizitza eraikin bat, Gasteizen, atxiboko irudi batean. JUANAN RUIZ / ARGAZKI PRESS

Ibai Maruri Bilbao -

2017ko azaroak 24

Eusko Jaurlaritzak alokairu publikorako etxebizitza kooperatibaren eredua probatuko du Donostian. Iñaki Arriola Etxebizitza sailburuak iragarri du Txominenean lursail bat erosiko duela sailak horretarako. Helburua da merkatu librean etxea eskuratzea lortzen ez dutenei beste aukera bat ematea. «Eredu berritzailea da, Danimarkan eta beste herrialde batzuetan arrakastatsua izan dena. Donostiako proiektu honekin ikusi nahi dugu gurean ere baliagarri den». Kooperatiba ereduan, bazkide izango direnek diru kopuru bat ipini behar dute hasieran, eraikina eraikitzeko. Behin bertan bizitzen hasten direnean, alokairua ordainduko dute. Bizilagunen batek etxea utzi gura badu, hasieran egindako diru ekarpena itzuliko diote, eta bazkide berri bat sartuko da haren lekuan. Etxebizitza horiek herentzian utz daitezke, baina ezin daitezke saldu.

Alokairurako etxebizitzak sortzeko eredu kooperatiboa da 2018-2020 Etxebizitzaren Gida Planak jasotzen duen berrikuntzetako bat. Proposamena osatu du Etxebizitza Sailak, eta atzo aurkeztu zien eragileei, Bilbon egindako jardunaldi batean. Ekarpenak eta zuzenketak jasotzeko epea ireki dute orain. Datorren astetik aurrera Euskadiko Etxebizitzaren Behatokiaren web orrian ipiniko dute, herritar guztien eskura. Urtea bukatu arte egongo da iritzia emateko tartea, eta datorren urtean sartuko da indarrean. Legegintzaldia bukatu arteko etxebizitza politikak gidatuko ditu, eta duela bi urte Eusko Legebiltzarrak onartutako Etxebitzaren Legea garatzea du xede.

Besteak beste, Etxebizitzaren Legeak aitortutako etxebizitzarako eskubide subjektiboa egikaritzea ekarriko du planak. Hau da, etxebizitza eskubidea bermatu beharko du administrazioak, etxe bat emanez, edo, etxerik eskura ez duenean, etxeari dagokion prestazio ekonomikoa. Pedro Jauregi Etxebizitza sailburuordearen arabera, mailaka sartuko da indarrean. Uste dute 2025erako 53.000 pertsonatik gora izango direla eskubide hori aitortuko zaienak. Irailera arte 2.768 eskaera jaso dituzte, horietatik 892 onartu dituzte dagoeneko: 634k etxea jaso dute, eta gainontzekoek, prestazio ekonomikoa. Aitortu du eskubide horren aitortza Jaurlaritzaren etxebizitza politiketan aldaketa garrantzitsua izan dela.

Autokritika

Jauregiren esanetan, planaren muina alokairua izango da. Hura sustatzeko egingo dute indar. Eusko Jaurlaritzak emango dituen laguntza guztiak etxea alokatzeko izango dira. «Ez dugu etxea erosteko laguntzarik emango, ezta gazteei ere. Gure lehentasuna alokairua da». Mario Ioldi plangintzaren eta hura osatzeko prozesuaren zuzendaria da. Azaldu du gobernuak etxebizitza politiketarako dituen baliabide ekonomikoak «asko urritu» direla «urte gutxian». Horregatik, urtean 800 etxebizitza berri egiteko gaitasuna dute soilik. «Gutxi dira etxebizitza eskubide subjektiboa aitortuko zaien guztien beharrei erantzuteko. Horregatik, etxebizitza pribatuen alokairua sustatzeko lan egin beharko dugu».

Beste oin bat etxebizitzen zaharberritzea izango da. Batez ere adinekoentzat egokitu nahi dituzte. Aurrerantzean energia eraginkortasunaren aurretik irisgarritasuna izango da lehen irizpidea. Horrez gainera, etxebizitzak adjudikatzeko irizpideak aldatu nahi dituzte. Ioldik aitortu du aspaldion «huts egin» dutela: «Ohartu gara gizarte maila berekoei eman dizkiegula etxebizitza promozio osoak, eta ghetto modukoak sortu. Hori aldatu behar da».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Turista talde bat, Donostian. ©GORKA RUBIO / FOKU

Eremu gorritik kanpoko bederatzi herri handik gainditu dute 400eko langa, Donostia barne

Berria

Gipuzkoako zortzi herri handi sartu dira eremu gorriko datuetan: Donostia, Azpeitia, Deba, Eibar, Hernani, Mutriku, Urnieta eta Zumaia; herrialdeko beste herri handi gehienak iristeko atarian daude. Laudiok ere gainditu du tasa.

Birusa detektatzeko baheketa Agurainen (Araba), artxiboko irudi batean. ©Raul Bogajo, FOKU

Beste 1.119 kasu positibo zenbatu dituzte Hego Euskal Herrian

Uxue Rey Gorraiz

Hirugarren egunez jarraian, egun bakarrean detektatutako positibo kopuruak mila kasuren langa gainditu du Hegoaldean. Birusaren agerraldi bat atzeman dute Bilboko zahar etxe batean; sei egoiliar kutsatu dira.

Mendigoizale bat Gorbeia mendia igotzen, Bizkaiko aldetik. ©Juanan Ruiz/FOKU

Eremu gorriko herrietan sartu eta irtetea galaraziko zaie mendizale federatuei ere

Maria Ortega Zubiate

Eusko Jaurlaritzak federatutako kirolarientzako arauak aldatu ditu, eta lehian ari ez diren kirolariak ezingo dira eremu gorritik atera edo bertara sartu.

Ertzainak itxiera perimetrala kontrolatzen, Gasteizen. ©ENDIKA PORTILLO / FOKU

Alarma egoeraren osteko eskumenen harira, zalantza ugari daude oraindik

Uxue Rey Gorraiz - Maria Ortega Zubiate - Edurne Begiristain

Txosten juridiko bat eskatu du EH Bilduk. Urkulluk berretsi du alarma egoera luzatzeko nahia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Ibai Maruri Bilbao

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna