Albistea entzun

Laboristek eskura dute Norvegiako Gobernua berreskuratzea

Jonas Gahr Storek ezkerreko sozialistekin eta zentristekin osatu nahi du kabinetea. Erregai fosilen kudeaketak banatzen ditu bi aldeak
Jonas Gahr Store laborista, bozen emaitzak ospatzen, Oslon.
Jonas Gahr Store laborista, bozen emaitzak ospatzen, Oslon. JAVAD PARSA / EFE Tamaina handiagoan ikusi

Iosu Alberdi -

2021eko irailak 15

Eskuineko indarrek hauteskundeetan izaniko beherakadak boterea berreskuratzeko aukera eman die Norvegiako laboristei. Jonas Gahr Store hautagaia baikor agertu da garaipenaren ostean, eta urriaren erdialderako osatu nahi du kabinetea. 2005eko bozen ostean erabilitako hiruko formula du buruan lider laboristak, eta, hori lortzeko bidean, behar beste denbora negoziatzeko prest agertu da: «Aldaketa bat nahi duen gehiengoa hain da argia, ezen ardura handi bat den segurtasunez gobernatuko duen oinarri bat aurkitzea».

Emaitzen berri izan bezain laster hasi ditu elkarrizketak Storek, parlamentuko gehiengoaren babesa lortzeko asmoz: 169 diputatuetatik gutxienez 85 behar ditu. Laboristek jakinarazi dutenez, Alderdi Zentrista eta Ezker Sozialista izan dira Storeren deia jaso duten lehen bi indarrak. Hiruren artean, 89 eserleku izango lituzkete: 48 laboristek, 28 zentristek eta hamahiru sozialistek. Adostasunik lortu ezean, Alderdi Gorriarekin (8 diputatu) eta berdeekin (hiru) ere esertzeko prest agertu da.

Izan ere, ez du erraza izango koaliziokide izandakoak berriz elkartzea. Hiru alderdiek osatu zituzten Jens Stoltenbergen bi gobernuak (2005-2013), baina azken hauteskunde kanpainan bestelako jarrera bat erakutsi dute. Erregai fosilen kudeaketaren inguruko eztabaida medio —Norvegia da Europa mendebaldeko petrolio ekoizle nagusia—, zentristen buru Trygve Vedumek sozialistak ekuaziotik kanpo uztea babestu zuen. Hari eta Audun Lysbakken sozialisten buruari mintzatu zaie Store: «Gehiago da batzen gaituena, banatzen gaituena baino».

Laboristek 2017ko bozetatik puntu bat behera egin duten arren (botoen %26,3), datozen lau urteetan eserleku gehien izango dituen indar parlamentarioa da; hala izan da 1927ko bozetatik. Halere, azken urteetako beherakada eteteko gai izatea baino gehiago, haren aliatu izan daitezkeenen gorakada da Store lehen ministro izateko hautagai sendo bilakatu duena. Alderdi zentristak botoen %13,6 (%3,3 gehiago) bereganatu ditu, eta orain arte baino bederatzi parlamentari gehiago izango ditu. Ezker Sozialistak, berriz, puntu eta erdi egin du gora. Horiez gain, berdeek eta gorriek ere emaitzak hobetu dituzte. Bi diputatu gehiago izango dituzte lehenek, eta zazpi gehiago besteek.

Kontserbadoreen porrota

Kontrako norabidea hartu du eskuineko koalizioak: aurrekoan, botoen erdiak lortu zituen; orain, %39,5era jaitsi da. Alderdi Kontserbadoreak hartu du jipoirik handiena; botoen %4,5 eta bederatzi diputatu galdu ditu, eta 36 diputaturi eutsiko die Stortingen. Azken urteetan, gobernukide izan dira liberalak eta kristau demokratak ere. Lehenek euren zortzi diputatuei eustea lortu duten arren, kristau demokraten egoera bestelakoa da; bost ordezkari galdu dituzte, eta ez dute izango hiru besterik.

Gobernu kontserbadoreen parte izan ez arren, eskuin muturreko Aurrerapenaren Alderdiaren babesa ezinbesteko izan du Erna Solberg lehen ministroak botereari eusteko. Hala, horiek ere ez dira libratu eskuineko blokeak hartutako kolpetik. Sei parlamentari gutxiago izango dituzte; 21, denera. Hala, eskuineko alderdien batura 68 ordezkarirekin geratuko da; hogei gutxiago.

Azken eserlekua Pazienteak Enfokatu alderdiarentzat izan da. Finnmark eskualdeko Alta ospitalea eraberritzeko sortutako plataforma bat da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Aleksandr Litvinenko errusiar espioi ohia, 2006ko azaroan, pozoitua izan eta egun gutxira, Londresko ospitale batean. ©EFE

Litvinenko Errusiak hil zuela ebatzi du Giza Eskubideen Europako Auzitegiak

Gorka Berasategi Otamendi

Espioi ohia Londresen hil zen, 2006. urtean, polonioarekin pozoituta. Erresuma Batuak aitortua zion asilo politikoa.

Joe Biden AEBetako presidentea, Nazio Batuen Erakundearen Batzar Orokorrean. ©TIMOTHY A. CLARY / EFE

Biden: «Historiako inflexio puntu batean gaude»

Julen Aperribai

AEBeko nazioarteko harremanak sendotu dituela azpimarratu du NBEren Batzar Orokorrean, eta horretan jarraitzeko dei egin du. Haren gobernua Asia ekialdera begira dagoela onartu du, Txina aipatu gabe, baina arazoei modu «baketsuan» heltzeko prest dagoen edonorekin hitz egiteko prest agertu da.

Justin Trudeau lehen ministroa, eta haren emazte Sophie Gregorie, atzo, Montrealen. / ©Eric Bolte, EFE

Trudeau lehen ministroaren alderdiak irabazi ditu bozak, baina gehiengorik gabe

Arantxa Elizegi Egilegor

Hirugarrenez hartuko du agintea Alderdi Liberalak. Alderdi Kontserbadoreak boto gehiago eskuratu arren, liberalek baino ordezkari gutxiago izango ditu.

<b>Zenbaketa.</b> Tokiko hauteskunde batzordeko kideak botoak zenbatzen, igandean, Moskun. ©MAXIM SHIPENKOV / EFE

Putinek gehiengo osoa berritu du parlamentuan, iruzur salaketa artean

Arantxa Elizegi Egilegor Gorka Berasategi Otamendi

Errusia Batua alderdiak botoen erdiak eskuratu ditu, eta ordezkarien bi heren izango ditu behe ganberan. Errusiako Alderdi Komunista izan da bigarrena

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna