ETB1en gehien ikusitako saioetan dago Herri txiki, infernu handi, eta igandean berretsi egin zuen joera hori. Mikel Pagadi eta Zuhaitz Gurrutxaga aurkezleek zuzendutako saioa Alkizan (Gipuzkoa) izan zen, eta %6,5eko audientzia zatia lortu zuen programak; euskarazko katean nagusi izan zen, %18,1eko kuota bereganatuz. Emanaldiak 130.000 ikusleren audientzia metatua izan zuen Araban, Bizkaian eta Gipuzkoan.
Emanaldi horrekin, aurtengo denboraldia amaitu du programak. Seigarren denboraldia izan du aurtengoa, eta, orain artean, 148 herritan izan dira, bertako bitxikeriak erakusteko asmoz. Aurtengo denboraldian 30 herritan izan dira.
'Herri txiki'-ren azken saioan %18,1eko kuota
Iruzkinak
Ez dago iruzkinik
Ordenatu