Noiz sortua: 2016-10-13 00:30:00

«Bakea gugandik eraikitzeko» moduez arituko dira Azpeitian

Hodei Iruretagoiena -

2016ko urriak 13
«Bakea eraiki behar dugu. Baina, nola?». Galdera horri erantzun nahi diote bihar eta etzi Azpeitian (Gipuzkoa) egingo dituzten jardunaldietan. Bakea gugandik eraikiz izenburu hartuta, bakegintzako hainbat alorretan dabiltzan aditu ugari elkartuko dira Sanagustin kulturgunean. Ikuspegi ezberdinetatik landu nahi dute prozesu hori: nola ulertu diren indarkeria, demokrazia eta bakea Euskal Herrian; zer berezitasun izan dituen emakumeen aurkako errepresioak; nola landu egia, justizia, erreparazioa eta gertatutakoa berriro ez gertatzeko bermeak; nola erabili kontakizuna adiskidetzerako; eta zer irakaspen atera munduko gainerako bake prozesuetatik.

Egitarau zabala

UEUk antolatu du bi eguneko ikastaroa, Azpeitiko Udalaren eta Gipuzkoako Diputazioaren laguntzarekin. «Jardunaldi hauek bakea eraikitzeko prozesuan lagundu nahi dute, gizartea eraldatzeko proposamenak lantzeko oinarriak jarriz», azaldu dute antolatzaileek. Gazteak gogoan izan dituzte bereziki:«Ezinbestekoak dira bake prozesuan. Baina iragana ezagutu gabe, nola ulertuko dituzte orainaren klabeak? Eta inplikatzen ez badira, nola izango dira etorkizunaren jabe?».

Ostiral goizean hasita, hitzaldi eta mahai inguru ugari izango dira. Besteak beste, Jon Mirena Landa EHUko Zigor Zuzenbide katedraduna, Sabino Ormazabal Argituz elkartekoa eta Lourdes Herrasti Aranzadi Zientzia elkartekoa arituko dira frankismoaz; eta Amaia Alvarez Justizia Trantsizionaleko doktorea, Ipar Irlandako adiskidetze prozesuaz. Larunbatean, berriz, Itziar Salegi Guardia Zibilak hildako Mikel Salegiren arreba eta Julia Monge Intxorta 1937 elkartekoak jardungo dute kontakizunaz eta emakumeen begiradaz; eta Iñaki Egaña historialariak eta Aintzane Ezenarro Gogora institutuko zuzendariak, egiaz, justiziaz eta erreparazioaz.

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 402 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Arabako, Bizkaiko eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek Sanchez babestu du, baina uste du hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 402 pertsona hil dira Euskal Herrian; horietatik bi, Lapurdin

Irati Urdalleta Lete

Lapurdiko aurreneko bi hildakoen berri eman du Vicent Bru diputatuak, prefetarekin elkartu ondoren. Azkeneko 24 orduetan 52 pertsona hil dira guztira, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna