Noiz sortua: 2018-07-18 00:30:00

«Azken ukituak» falta dira Franco Erorien Haranetik ateratzeko

Sanchezek Kongresuan adierazi du «irmoa» dela gorpuzkiak ateratzeko erabakia. Diktaduraren biktimak omenduko dituzte gaur Gasteizen
Pedro Sanchez, Espainiako Diputatuen Kongresuan, atzo.
Pedro Sanchez, Espainiako Diputatuen Kongresuan, atzo. KIKO HUESCA / EFE Tamaina handiagoan ikusi

Iosu Alberdi -

2018ko uztailak 18

Espainiako Gobernuko presidente Pedro Sanchezek atzo azaldu zuen Francisco Franco diktadorearen gorpuzkiak Erorien Haranetik ateratzeko erabakia «irmoa» dela, eta laster egingo dela: «Posible egingo duen instrumentuari azken ukituak ematea falta da; laster gauzatuko da, epe oso laburrean». Harana, ordea, ez zen Sanchezek Espainiako Kongresuan aipatutako gai bakarra izan.

1936ko estatu kolpearen 82. urteurrena da gaur, eta, hainbeste denbora igaro ostean, Sanchezek adierazi zuen «zauriek irekita denbora gehiegi» daramatela: «Ixteko garaia iritsi da». Horregatik, azpimarratu zuen herritarrak «batuko» dituzten sinboloak behar direla, eta ez «bananduko» dituztenak. Era horretan, Francoren gorpuzkiak lehenbailehen ateratzeko asmoa adierazi zuen.

Azken egunetan bisitek gora egin dute Erorien Haranean, eta baliteke gaur, estatu kolpearen urteurrena baliatuta, igandeko irudien antzekoak ikustea. Orduan, diktaduraren jarraitzaile ugari bildu ziren han, bandera frankistak astinduz, Harana ez ukitu lelopean. Franco familiak ere bat egin du ehorzketaren aurkako deiarekin, eta hala adierazi dio Erorien Haraneko abadeari. Francisco Franco Fundazioak ere esan du diktadorea lurperatuta dagoen eremua «bortxaezina» dela Espainiako Estatuaren eta Elizaren arteko hitzarmenen arabera.

Gobernuko presidenteak, ordea, ez du atzera egiteko asmorik adierazi, eta Espainiako Konstituzioaren hastapenak gogoratu zituen, estatuak azken 40 urteetan izaniko aldaketak «gizarteak bultzatu» dituela azpimarratzeko.

Bestalde, Frankismoaren Aurkako Euskal Plataformak diktaduraren biktimei omenaldia egingo die gaur, Gasteizen: «Inpunitate frankistak 40 urte darama Espainiako instituzioetan txertatuta». 1976ko martxoaren 3ko biktimen kasua ere gogoratu du plataformak, gaia Europako Parlamentura iritsi ostean. Poliziak bost langile hil zituen Gasteizen, bilduta zeuden grebalariei tiro eginda. Plataformak Europako erakundearen jarrera txalotu zuen, baina zuhurtziaz jokatu behar dela gehituta.

Alokairuan berrikuntzak

Frankismoarena, ordea, ez zen Espainiako presidenteak atzo hizpide hartutako gai bakarra izan. Besteak beste, etxe turistikoak izan zituen hizpide, eta horiek Hiriguneetako Alokairuen Legetik ateratzeko asmoa duela esan zuen. Horretarako, gobernuak «denboraldiko alokairuen definizioa» berrituko du, adierazi zuenez. Horrez gain, gehitu zuen alokairuen nahitaezko luzapena hiru urtetik bostera luzatuko duela, eta fidantza gehigarriak mugatuko dituela, errentariak babesteko. Sanchezek azaldu zuen «benetako etxebizitza politika bat herritarren zerbitzura jartzeko» hartuko dituela erabaki horiek, eta etxebizitza publikora eta alokairura bideratuko duela 2018-2021 Etxebizitzako Estatu Plana.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Distantziak mantentzeko ezarritako markak, San Frantziskoko (AEBak) parke batean. ©JOHN G. MABANGLO / EFE

5,5 milioi kasu baieztatu dira munduan

Berria

AEBetan baieztatu dira positibo gehien: 1,6 milioi. Herrialde horretan ia 100.000 lagun hil dira. Munduan, denera, 379.157.

<b>Itzulera.</b> Ikasle bat, ikasgelan, maskara jantzita, Donostiako Axular lizeoan, atzo. ©GORKA RUBIO / FOKU

Ezohiko itzuleran, zorroztasunez

Irati Urdalleta Lete

Konfinamendua arintzeko bigarren fasean sartu da Hego Euskal Herria. Ikasgeletara itzuli dira Arabako, Bizkaiko eta Gipuzkoako hainbat ikasle. Uriartek «normaltasuna» azpimarratu du

<b>ELA, LAB, UGT, CCOO eta Steilas sindikatuek protesta antolatu zuten atzoko, Gasteizen.</b> ©JAIZKI FONTANEDA / FOKU

Itzulerako osasun neurriak langileekin negoziatzeko exijitu dute sindikatuek

Amaia Ramirez de Okariz Kortabarria

Hezkuntza Sailaren «aldebakarreko» erabakia salatu dute. Ikastetxeak errefortzurako eta selektibitatea prestatzeko ireki dira, haien arabera

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna