Kargurik gabe atera da Nathalie Flores hil duen Frantziako polizia

Inkestaren lehen datuen arabera, arma «molde proportzionatuan eta zilegitasunez» erabili du. Fiskalak epailearen esku utziko du afera

Oihana Teyseyre Koskarat -

2021eko urtarrilak 13

Baionan Nathalie Flores tiroz hil zuen polizia atxilotu egin zuten herenegun, eta atzo arratsaldean libre utzi zuten. Jerome Bourrier Baionako prokuradoreak baieztatu zuen ikerketak ekarri dituen lehen frogen arabera, «arma molde proportzionatuan eta zilegitasunez» baliatu zuela poliziak. Hala, kargurik gabe askatu zuten.

Bourrieren arabera, ikerketaren lehen emaitzek baieztatu dute Frantziako Poliziaren kontrol batetik ihes egiten saiatu zela emakumea, autoz, eta funtzionarioen ibilgailua jo zuela. Polizietako bat belaunean zauritu zuen, eta beste batek tiro egin zion orduan emakumeari. Prokuradoreak segurtatu du «haren lankidea babesteko ezinbesteko neurria» izan zela arma erabiltzea.

Halere, lehen berriekin «zuhurtziaz» jokatzeko eskatu du Bourrierek: kargurik gabe atera bada ere, ikerketa instrukzio epaile baten esku utziko du datozen egunetan, «froga ezberdinak» elkarren artean alderatu ahal izateko. Nabarmentzekoa da hilketaren harira bi ikerketa ireki zituela fiskalak. Bata, emakumearen jokabidearen inguruan, «Polizia zerbitzuei ez obeditzeagatik, eta Polizia indarren kontrako hilketa saiakeragatik», eta bestea, «autoritate publikoa duen norbaitek egindako hilketagatik», tiroketa nola gertatu zen ikertzeko. Frantziako Poliziak Baionan duen polizia judizialeko agenteen eta Poliziaren Ikuskaritza Nagusiaren esku utzi zuten bigarren ikerketa, eta «oraingoz» bukatutzat jo dute. Frantziako Poliziaren Ikuskaritza Nagusia Frantziako Barne Ministerioaren ardurapeko erakundea da, Polizia zerbitzuen gisara.

Polizia indarkeria jomugan

37 urte zituen Floresek. Haren hilketa salatzeko, herenegun 50 bat herritar bildu ziren Baionako polizia etxe aitzinean, Polizia bortizkeria gelditu lelopean. Antolatzaileek salatu zuten Floresen hilketa ez dela «Frantziako Estatuan gertatzen den lehena», eta «Poliziak bortizkeria sistematikoki eta inpunitate osoz erabiltzen» duela. Bestalde, biktimaren familiari elkartasuna helarazi zioten. Baionako prokuradoreak segurtatu du ACJPB Ipar Euskal Herriko biktimen laguntzarako elkartearekin harremanetan jarri dituela Floresen senideak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Baionako karrikak hutsik, atzo, etxeratze agindua dela eta. ©GUILLAUME FAUVEAU

«Lanean ari bazara, argiki izorratua zara»

Joana Ibargarai Leritza

Jean Castex Frantziako lehen ministroak ostegunean iragarri bezala, Ipar Euskal Herrian etxeratze agindua 18:00etatik 06:00ak artekoa da orain, eta atzo izan zen neurria aplikatu beharreko lehen eguna.

Osasun langile bat antigenoen proba bat egiten. ©Gorka Rubio / Foku

Positibo gutxiago atzeman dituzten arren, tasa %7 da Hegoaldean

Berria

834 pertsonak eman dute positibo COVID-19a detektatzeko proban, bezperan baino ia 200 gutxiagok. Gero eta paziente gehiago daude ZIUetan.

Koronabirusaren kontrako txertoa. ©Guillaume Fauveau

Urkulluk dio «onartezina» dela txerto gutxiago jaso izana

Berria

Indurainek esan du Nafarroak «erreserba estrategikoa» duela datorren astean txertaketarekin segitu ahal izateko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna