Uxue Alberdik jaso du irakurleen saria

111 Akademiako irakurleek Jenisjoplin eleberria aukeratu zuten 2017ko libururik onena, eta, horrenbestez, Uxue Alberdik 111 Akademiaren saria jaso zuen atzo, Andoaingo (Gipuzkoa) Bastero kulturgunean. Alberdiren liburuko hainbat pasarte irakurri zituzten irakurleek, Lou Topet taldearen musika lagun. Ekitaldian izan ziren, halaber, Jon Unanue 111 Akademiako burua, Ana Carrere Andoaingo alkatea, Miren Dobaran Eusko Jaurlaritzako Hizkuntza Politikarako sailburuordea eta Garbiñe Mendizabal Gipuzkoako Foru Aldundiko Hizkuntza Berdintasuneko zuzendaria.