Albistea entzun

Hedabideen hizkuntzaren erabilera, emakumezko kazetarien begietatik

Antxeta irratiak 'Arduraz komunika dezagun' dokumentala egin du. Interneten ikusgai dago

Maider Galardi F. Agirre <em>Berria FM</em> podcastaren aurkezlea, dokumentalaren irudi batean.
Maider Galardi F. Agirre Berria FM podcastaren aurkezlea, dokumentalaren irudi batean. ANTXETA Tamaina handiagoan ikusi

Urtzi Urkizu -

2021eko urtarrilak 22

Berdintasunari eta feminismoari dagozkion gaiak eta hizkuntzaren erabilerak indarkeria matxistan duen eragina aztertu dituzte herri ekimeneko komunikabideetako zenbait kazetarik Arduraz komunika dezagun dokumentalean. Emakumezko kazetariak dira agertzen diren guztiak, eta, haiekin batera, alorreko aditu batzuk ere azaltzen dira: Kattalin Miner ekintzaile feminista, Amelia Barquin irakaslea eta Irene Arrarats Lizeaga BERRIAko euskara taldearen burua.

Aitziber Zapirain Etxaniz Antxeta irratiko koordinatzaileak zuzendu du lana, Joseba Arozenaren laguntzarekin. Dokumentala ez da hutsetik sortu, Zapirainek azaldu duenez: «Antxeta irratian urtebete generamatzan indarkeria matxistaren aurkako proiektu bat garatzen; elkarrizketa sortak egin genituen. 2019an, barrura begira jartzea pentsatu genuen: Arrosa sareko hainbat irratirekin elkarrizketak egin genituen. Eta, iaz, pentsatu genuen ea zergatik ez genuen hori egiten euskarazko herri ekimeneko hedabideekin». Modu horretan hasi ziren dokumentalerako elkarrizketak egiten.

Askotariko hedabideetako kazetariak ageri dira hizketan: Bilbo Hiria, Hala Bedi irratia, Arrosa sarea, Antxeta irratia, Hamaika telebista, Argia astekaria, Gara egunkaria, Pikara Magazine, Irunero aldizkaria, Gaztezulo aldizkaria eta BERRIA egunkaria. Berria FM podcast feministaren gidari Maider Galardi F. Agirre eta BERRIAko Euskal Herria saileko koordinatzaile taldeko Maite Asensio Lozano ageri dira elkarrizketatuen artean. Euskarazkoak dira hitz solas guztiak.

Nahiz eta komunikabide oso desberdinak izan, kazetariek azaldu dute gaur egun erredakzioetan heltzen diotela gaiari. «Elkarrekin gogoetez eta proposamenez hitz egiteko gogoz daude denak», dio Zapirainek.

Dokumentalean egin diren hausnarketak entzunda, Antxetako koordinatzaileak ondorio hauek atera ditu: «Duela zenbait urte arte, erredakzio bakoitzean kazetari emakume feminista bat egoten zen, eta bere bizkar hartzen zituen horrelako gaiak. Lan bakarti gisa sentituko zuten zenbaitek. Baina geroztik, dokumentala egitean, sentsazioa izan dut hedabidea bera konprometitzen dela. Jada ez da emakume bakar baten ardura, baizik eta erredakzio osoarena». Lekukotasunak entzunda, halaber, Zapiraini iruditzen zaio emakume horiek «taldean» sentitzen direla eta erredakzio bileretan ez direla «arraro» sentitzen gauza batzuk planteatzeko orduan.

Euskarazko hedabideetan aurrerapausoak eman dira azkeneko urteetan, dokumentalaren egilearen ustez. «Lerroburu batzuk ez dira onartzen. Esaldi batzuk desagerraraziak ditugu gure hiztegietatik». Kattalin Minerrek dio nabari dela noiz den uneko hanka sartze bat, nahi gabe egindakoa, eta noiz den nahita egina, behin eta berriz. Minerrek hau gaineratu du: «Begiratu alboetara, eta ez dago dudarik eskaintzen den edukian eta trataeran. Herri ekimeneko euskal hedabideak hobeto daude».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Baltsa piratak, portutik Kontxarako bidean. ©JON URBE / FOKU

Donostia abordatzera abiatu dira ia 200 ontzitan

Hodei Iruretagoiena - Mikel P. Ansa

Itzuli da Aste Nagusi Pirataren ikur bihurtu den ekitaldia, bi urteko etenaren ondoren. Ia berrehun ontzi abiatu dira, 17:00ak jo dutenean. Abordatzeak hogeigarren urteurrena du aurten.

 ©ANDONI CANELLADA / @FOKU

«Ahituta amaitzen dugu, baina zoriontsu»

Enekoitz Telleria Sarriegi

Klasikoetan klasikoena da Arnoldo izozkitegia Donostian. 1935ean hasi ziren, eta laugarren belaunaldiko kidea da Alustiza: «Hauxe da txikitatik edoski duguna; gure odola da, eta ezin genuen hiltzen utzi».
Mariana Etxegarairen hilobia, Hazparnen (Lapurdi). ©HAZPARNEKO HERRIKO ETXEA

«Kantuan hastean hein bat lotsatua nintzen, baina ahantzia nuen berehala»

Miel A. Elustondo

Julien Vinsoni zor bide zaio bertsolaritzari buruzko aipurik zaharrenetakoa, 1869ko irailean Saran egindako Lore Jokoetakoa. Hantxe dira ageri Jatsuko Piarres Ibarrart 'Bettiri', Azkaineko Mari Luixa Erdozio eta Joanes Etxeto 'Senpereko errienta' koplariak. Usteak ustel, Erdozio ez da salbuespen. Garaian, beste bi emakumezko ere nabarmendu ziren kantuan, Mariana Etxegarai 'Aña Debrua' eta Marie Hargain, bertsolari txapeldunak.
Uribarri Ganboako Garaioko hondartza. ©JAIZKI FONTANEDA / FOKU

Barnealdeko hondartzak

Eider Etxeberria Soria

Uribarri Ganboako urtegia urte osoan bisitatzeko leku aproposa da, uda sasoian batez ere. Garaioko eta Landako hondartzak daude han, eta bainua hartzea baimendurik dago

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...