Albistea entzun

Euskadi Irratiak 115.000 entzule ditu astegunetan, EGMren arabera

EITBk azaldu duenez, euskarazko irratiak azken hamarkadan izan duen daturik onenetakoa da

EITBko irrati baten estudioaren irudia.
EITBko irrati baten estudioaren irudia. EITB Tamaina handiagoan ikusi

Urtzi Urkizu -

2022ko apirilak 20 - Donostia

Estudio General de Mediosek urteko bere lehen neurketaren datuak eman ditu, eta, horren arabera, Euskadi Irratiak astelehenetik ostiralera 115.000 entzule ditu (Araban, Bizkaian eta Gipuzkoan, eta «bere eragin esparruan»). «Azken hamarkadako erregistrorik onenetakoa da», nabarmendu du EITBk.

 

Aipagarria da euskarazko irrati publikoak lortu duen datua. Izan ere, ez du oso urrun talde bereko gaztelaniazko katea: Radio Euskadik 155.000 entzule ditu. Hartaz, EGMren arabera, 40.000 entzuleren aldea baino ez legoke Radio Euskadiren eta Euskadi Irratiaren artean.

Azkeneko urteetan, bestalde, CIESen eta EGMren zenbait neurketetan oso pareko ibili dira Euskadi Irratiaren eta Gaztearen datuak. Azken neurketa horren arabera, aldea nabarmena da: Gazteak 70.000 entzule ditu, eta halako bi baino gehiago ditu Euskadi Irratiak.

EITB Musika irratiak 22.000 entzule ditu —iazko neurketako datuak gainditu ditu—.

Radio Vitoria, berriz, liderra da Araban: EGMk 40.000 entzule eman dizkio. Hain zuzen ere, azkeneko hamar urteetako bigarren daturik onena berdindu du.

Bada beste albisterik Radio Vitoriari lotua. Duela gutxi izendatu zuen EITBk irratiko zuzendari berria: Marian Parra (Beasain, Gipuzkoa, 1973). Komunikazio talde berean beste funtzio batzuetan aritu da azkeneko urteetan Parra: Berdintasun eta Kalitate zuzendaria izan da, baita barne komunikazioko arduraduna ere. Maite Goñiren izendapenarekin batera egin zuen EITBko zuzendaritzak Parrarena; EITBko Audio eta Digitaleko zuzendari berria da Goñi —Urko Aristik betetzen zuen tokia hartu du—. Aristik sare sozialetan jakinarazi du oporraldi baten ostean telebistako mikroa hartuko duela berriz ere, irratikoa alde batera utzita.

EGMk eman dituen datuetara itzulita, Euskal Telebistako ikus-entzuleen datuak hobetu egin dira iazkoekin alderatuta: 598.000 herritarrek ikusten dituzte ETBko kateak.

Taldeko irrati guztien datuak batuz gero, 402.000 lagunek entzuten dituzte EITBko irratiak, 2021eko azkeneko neurketan baino 17.000 gehiago.

EITBko irrati eta telebista guztietako datuak aintzat hartuta, berriz, 962.000 entzule eta ikus-entzule dituzte Araban, Bizkaian eta Gipuzkoan, eta «eragin eremuan».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©EZEZAGUNA / EZEZAGUNA

Iruindarren euritakoak dantzan

Itsaso Jauregi

Iruñean San Saturnino eguna ospatu dute, aterkien azpian. Erraldoirik eta prozesiorik gabeko hirugarren urtea izan da herritarrentzat, baina euriaren azpian kantuan jarraitu dute.
Ezkerretik eskuinera: Ane Garai eta Maialen Oleaga. ©BERRIA

'Kuirpunk' doinuen eztanda

Unai Etxenausia

Perlata eta La Soga del Muerto taldeetako partaideek dena ematen dute oholtzara igotzen diren bakoitzean. Argi daukate jotzeak ematen dien askatasunaz bizi behar dituztela kontzertuak, beti arduraz bizi beharrean.
 ©BERRIA

«Urtubiaren gertukoei gustatu zaie filma»

Urtzi Urkizu

Netflixek Lucio Urtubiaren bizitzari buruzko filma estreinatuko du gaur: 'Un hombre de acción'. Amezkua da gidoilaria, eta azaldu du Urtubiaren bizitzeko moduari eta pentsamenduari fidelak izatea funtsezkoa zela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...