Albistea entzun

Estereotipo femeninoak ugaritu egin dira jostailuen iragarkietan

CACek esan du hamar estereotipotik bederatzi neskei eragitekoak zirela Eguberrietako kanpainan
Youtubeko kanaletan eskema estereotipatuak errepikatzen direla ondorioztatu dute. Irudian, <em>Las ratitas</em> kanala.
Youtubeko kanaletan eskema estereotipatuak errepikatzen direla ondorioztatu dute. Irudian, Las ratitas kanala. BERRIA Tamaina handiagoan ikusi

Urtzi Urkizu -

2019ko otsailak 19

Estereotipo femeninoak areagotzen ari dira iragarkietan. Hala ondorioztatu du CAC Kataluniako Ikus-entzunezkoen Kontseiluak, Eguberrietako kanpainan telebistan emandako iragarkiak aintzat hartuta —urriaren 10etik urtarrilaren 5era Kataluniako TV3, Super3/33 eta 8TV kateetan emandakoak zenbatu dituzte—. Estereotipo guztietatik %88,8 femeninoak direla jakinarazi dute.

2001. urtean hasi ziren Katalunian jostailuen kanpainak aztertzen, eta genero estereotipoak, oro har, gutxitu egin dira. Baina, azkenaldian estereotipo maskulinoek beherantz egin badute ere, estereotipo femeninoak %20 ugaritu dira aurreko urtearekin alderatuz gero. Gehien erabiltzen diren estereotipoen kontakizunean neskak soilik beste neska batzuekin jolasten agertzen dira, edo neskak panpinekin jolasten; zehatzago esanda, protagonista soilik neskak diren iragarkien %84,9tan neskak panpinekin, animaliekin edo fikzioko animaliekin jolasten agertzen dira. Iragarkien erdietan baino gehiagotan nesken akzioa barruko espazio batean izaten da, eta eremu horren tonalitatea argia, pastel kolorekoa edo arrosa da.

Iragarkietan erabiltzen den hizkuntzari dagokionez, kontzeptuek mundu idilikoak eta magiazkoak irudikatzen dituzte; kasu askotan, panpinen munduekin lotutakoak.

Haur youtuberrekin kezka

Datuak ematean, Roger Loppacher Kataluniako Ikus-entzunezkoen Kontseiluko presidenteak salatu du estereotipo femeninoen joerak gorantz jarraitzen duela. «Kezka handiz ikusten dugu Youtubeko jostailu kanalek egiten dutena ere. Audientzia masiboak dituzte, eta estereotipo femenino guztiak erreproduzitzen dituzte», azaldu du Loppacherrek. «Aktiboagoak eta beligeranteagoak izan beharko genuke estereotipoen presentzia salatzeko orduan, bai telebistakoak, bai Youtubekoak».

Kataluniako erakundeak aurreneko aldiz aztertu ditu Interneteko plataformetako kanalak: Youtube, Dailymotion eta Vimeo. Ondorioztatu dute Youtubeko zenbait kanalek milioika jarraitzaile dituztela. Bada kanal bat, esate baterako, non bi ahizpa diren protagonista, 7 urtekoa bata eta 6koa bestea: Las ratitas du izena, 11 milioi harpidedun ditu, eta hiru hilabetean 2.500 milioi bisita izan zituzten haien bideoek. Txostenean jaso dutenez, bi neska protagonistak askotan beren itxura fisikoarekin kezkatuta agertzen dira: makillatu eta orraztu egiten dira, jostailuak erabiliz. Kozinatzen eta etxeko garbiketekin lotutako aktibitateetan ageri dira beste batzuetan, sustatzen diren panpinen laguntzaz.

Kataluniako Ikus-entzunezkoen Kontseiluaren arabera, Youtubeko bideoek telebistako iragarkietan agertzen diren eskema estereotipatuak erabiltzen dituzte. Erakundeak uste du bideo horiek hain era masiboan zabaltzeak mezu estereotipatua gehiago zabaltzea erraztu dezakeela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©MONIKA DEL VALLE / FOKU

«Gailu honek bizitzak salbatu ahalko ditu»

Amaia Igartua Aristondo

Mendian galdutako jendea topatzeko tresna bat da Elur Gaman. Hainbat espediziotan probatu du Txikonek, tartean Manasluko azkena. Dokumental bat egin dute asmakizunaz: 'La Montaña del Alma'.
1 ©SONIA CASAS / EZEZAGUNA

Bide malkartsua aurrean

Iker Tubia

Paquita Bretos eta Pili Ganuza mendigoizale aitzindariei omenaldia egin diete Belaguan. Gizonez inguraturik egin zuten beren ibilbidea mendian. Oraindik ere gizonak dira nagusi mendiaren eremuan, are nabarmenago alor profesionalean. Berdintasunaren bidean pausoak emateko deia egin dute andre mendizaleek.
Mugaldekoak taldea, <em>Bazterretik bazterrera</em> kantua jotzen, eta, eskuinean, Xalbatx aurkezlea. ©KANALDUDE

'Kantuen kontrabandista' musika saioa abiatuko da gaur Kanalduden

Ainhoa Larretxea Agirre

Pantxoa Bergara 'Xabaltx' musikaria euskal kantu zaharren bilaketan murgildu da zazpi ataletan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna