Albistea entzun

KRITIKA. Balleta

Ikuskizun bitxia

Jesus Mari Begoña -

2016ko ekainak 7

'On Kixote'

Musika: Ludwig Minkus. Koreografia: Marius Petipa, Alexander Gorski eta Jose Carlos Martinez. Dantzariak: Espainiako Dantza Konpainia. Musika zuzendaria: Manuel Coves. Bilboko Orkestra Sinfonikoa. Lekua: Arriaga antzokia, Bilbo. Eguna: Ekainak 3.

Benetan zaila da halako ballet klasikoak gure artean ikusi ahal izatea, eta are zailagoa da oraindik orkestra batekin zuzenean entzutea, kontuan hartuta martxan jartzen diren baliabideen balioa: dantzari edo musikari asko, eszenografia... Hala, eskertzekoa da bai Arriaga Antzokiak eta bai BOSek mirari hau gauzatzeko egin duten ahalegina. Harrigarria da, halaber, Espainiako Dantza Konpainiak, Jose Carlos Martinezen zuzendaritzapean, dantzagintza klasikoan lortu duen maila, kasu honetan, Errusiako balletetik eratorritako lan honetan. Izan ere, Cartagenako koreografoa hiru ekitaldiko bertsioan inspiratu zen, eta, beste aldaketa batzuen artean, Espainiako folkloretik hartutako fandangoa eta boleroa erantsi zizkion obrari.

Espainiako Dantza Konpainiak talde sendoa, uniformea, preziosista eta diziplinatua osatzen du dantzaren alorrean nahiz mimoan. Dantzarien artean, bikotearen figura goraipatu beharrekoa da, pas de deux ballet klasikoaren su-froga baita, batez ere prima ballerina-rentzat. Seh Yun Kim korearra teknika handiko dantzaria da, eta behatzen gaineko lanean oso ona —demi plié 5. posiziotik hasita relevé-ra pasatu zen, 2. posizioan bukatzeko, eta aurrera jarraitzeko...—. Aipatzekoak dira, beste askoren artean, pasarte horretan egin zituen 32 bira-aldaki —fouettés— paregabeak, azkenean temps de poisson batean bikotekidearen besoetan amaitzeko.

Haren bikotekide Alessandro Rigak bere onena eman zuen, eta ongi egindako lana azaldu; zutabe egokia izan zen emakumearentzat. Pas de deux pasarte berean, eder eman zuen jauzien bilduma: temps de poisson, hiru tours en l'air, eta trebezia eta oreka handia eskatzen dituen Grand Jeté-a.

Asko gustatu zitzaizkigun ijitoen buruzagiak egiten zituen jauziak, neska ile-hori baten dantza delikatua, toreroen buruzagiaren dantza harroa... Ia akatsik gabe sumatu genuen dantza taldea, bai batera aritzeko unean, bai beso eta belaunen posizioetan: port de bras, arabesques, pas de chat, jetés... Kontuan hartzekoa izan da tutudun taldea On Kixoteren ametsean, laborarien dantzak graziaz eta bateratasunez igurtziz, bikoteak, hirukoteak, laukoteak...

Berebiziko garrantzia du erritmoak dantzetan eta, horretan, meritu handia izan zuen Manuel Coves zuzendariak, luxuzko BOS batekin, baltsak, polkak, mazurka, fandangoak, jota modukoak, boleroak, martxak... dozenaka erritmotako musikak dantzariei ongi egokitzen jakin baitzuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Inazio Mujika, Aintzane Atela, Miren Arratibel, Manu Lopez eta Joxean Muñoz, gaur goizean, Donostian. ©Gorka Rubio / Foku

Edith Wharton batu da Literatura Unibertsala bildumara

Itziar Ugarte Irizar

Egile estatubatuarraren 1911ko ‘Ethan Frome’ nobela laburra euskaratu dute Miren Arratibelek eta Aintzane Atelak. Izen bereko pertsonaiaren gorabeherak ditu ardatzean.

Alex Sanvi eta Unai Iturriaga, atzo, Elkarreko komikiaren txokoan, Donostian. ©MAIALEN ANDRES / FOKU

Mundura atera dira H.B. eta Lo-li-ta

Itziar Ugarte Irizar

Unai Iturriagak eta Alex Sanvik 'Haur Besoetakoa. Itsasoan urak handi' komikia eman dute, Ikastolen Elkartearen eta 'Xabiroi'-ren eskutik. Orain arteko albumik «sendoena» dela uste dute

 ©JAIZKI FONTANEDA / @FOKU

Euskal Herrira itzuliko da gaur Patti Smith

Aitor Biain

Gasteizko Azkena Rock jaialdian eskainitako emanaldiaren ondotik, Euskal Herrira itzuliko da Patti Smith; Donostiako Kursaal auditoriumean ariko da gaur iluntzean. Punk-rockaren ikur handienetako bat da, eta Donostian emango dio amaiera Europa osoan egindako kontzertu birari.

Alexei Volodin pianista, artxiboko irudi batean. ©EUSKADIKO ORKESTRA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...