Albistea entzun

Anabel Arraizak aurkeztuko du aurten 'Zurriolako butaka' saioa

Sei hedabidek emango dute Donostiako Zinemaldiko euskal ekoizpenen berri, ostiraletik aurrera. (Bideoa albistearen amaieran).
Urtzi Urkizu, Nerea Lizarralde, Ximun Karrere, Ines Arrue eta Gaizka Izagirre, Anabel Arraizaren inguruan.
Urtzi Urkizu, Nerea Lizarralde, Ximun Karrere, Ines Arrue eta Gaizka Izagirre, Anabel Arraizaren inguruan. GORKA RUBIO / FOKU Tamaina handiagoan ikusi

Edu Lartzanguren -

2018ko irailak 18

Donostiako Zinemaldia ikusteko besaulkiak handitzen jarraituko du aurten ere. Ostiralean hasiko da jaialdia, eta, aurreko sei urteetan bezala, BERRIAk Zurriolako butaka saioa egingo du egunero Kursaaletik. Beste hedabide batzuekin elkarlanean aritzen da BERRIA, eta, aurten, Kanaldude batu da elkarlanera. Sei komunikabidetako ordezkariek saioa aurkeztu zuten atzo, Donostian. Euskal zinemarekin izaniko lotura estua ez dela galduko agindu dute bultzatzaileek. Izan ere, Euskal Herrian ekoitzitako filmen zuzendariak, aktoreak eta ekoizleak elkarrizketatuko dituzte egunero, Kursaaletik.

Anabel Arraizak aurkeztuko du Zurriolako butaka. Hamaika telebistan Euskaltzale eta Ajoarriero saioak aurkeztu ditu azkeneko hilabeteetan. «Zinemagintza barrutik ezagutzen dut», esan zuen atzo Arraizak, aurkezpenean. Izan ere, Mirentxu Purroyk zuzenduriko Denboraren gibelean (1993) filmean aritu zen aktore, eta Jone, igo zerura (Joseba Salegi, 2000) lanean protagonistarena egin zuen, besteak beste. Edonola ere, zinemara joaten denean «ikusle arrunt» bihurtzen dela zehaztu du. «Beraz, profesional ez direnentzat ere arituko naiz saioan».

Kanaldudek indarrak batu izana da aurtengo berrikuntza nagusietako bat. Orain arte inork egin ez duen zubi lana gauzatu nahi du telebistak. Izan ere, Donostiako Zinemaldia Lapurdin, Nafarroa Beherean eta Zuberoan «oso urrutitik bizi dutela» esan zuen Kanaldudeko kudeatzaile Ximun Karrerek, atzoko aurkezpenean. «Gure asmoa gerturatzea da». Izan ere, euskarazko filmek interes handia pizten dute iparraldeko ikusleen artean, eta «zinema-gelak betetzen dituzte». Batez ere, euskarazko lan horien berri zabalduko du Kanaldudek Zurriolako butaka saioaren bitartez.

Kritika ez da faltako

Urtzi Urkizu BERRIAko kazetariak eta saioko zuzendariak Izar azpian atala estreinatuko du. Iritzi tarte bat izango dela aurreratu du, «apur bat zirikatzailea». Urkizuk gaineratu duenez, «xelebrekeria pertsonalak» kontatuko ditu tartean. «Umore pixka bat jartzen saiatuko naiz».

Irutxuloko Hitza-k Donostiarekin lotutako Zinemaldia landuko du, eta Parte Zaharreko eraikin okupatuan egingo duten zinemaldi alternatiboaren berri emango dute, Nerea Lizarraldek atzo esan zuenez. Gaztezulo-ko kazetariek Euskal Herriko filmen kritikak egingo dituzte, eta jaialdiko giroaren berri emango dute.

«Kalitatean pauso bat eman nahi dugu aurten», esan du Urkizuk. «Zinemaldiaren inguruko euskarazko telebista saio bakarra izanda, egite hutsa nahikoa zen lehen urteetan. Baina, orain, ikusita Euskal Herriko hogei ekoizpen daudela eta euskal zinemagintzako urteko estreinaldirik garrantzitsuak hemen egiten direla, kalitate handiagoarekin eman nahi dugu horren berri».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©GUILLAUME FAUVEAU

«Galtzagorriak behar ditugu. Indar hori, euskaldunak, galtzagorriak gara»

Ainize Madariaga

Libe Goñi Garatek eta euskarak gorputz bakarra osatzen dute. Seaskako lehen andereñoa izan denak bizia eman du bere artatzen eta transmititzen. Olentzero, taloak, kantua eta dantzak ere zabaltzen aritu zen. Orain, reiki irakaslea da.
Ilaski Serranok eta Saioa Martijak Martxoaren 8ari buruzko <em>Ahoz aho</em> berezia prestatu dute bihar arratsalderako. ©ETB

Martxoaren 8ari lotutako makina bat saio izango da ikusgai egunotan

Urtzi Urkizu

ETB1en 'Ahoz aho' berezia egingo dute bihar. Hamaika telebistan emakume arrazializatuen inguruan arituko dira bihar, 22:00etan

Bi pertsona, animaliei begira, Zumas behatokitik. ©RAUL BOGAJO / FOKU

Hezeguneko sinergia

Amaia Ramirez de Okariz Kortabarria

Landareek eta hegaztiek bat egiten dute Gasteizko Salburua parkean, eta bizia ematen diote hezeguneari. Ataria interpretazio zentroak natur ibilbideak eskaintzen ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna