Euskararen aberastasuna zenbait bideotan azaleratuko du BERRIAk

Euskaraldiaren berri eman ez ezik, BERRIAk zenbait bideo berezi ere egingo ditu bihartik aurrera

Gaztealdian parte hartu dutenekin lau bideo sareratu ditu egunotan BERRIAk.
Gaztealdian parte hartu dutenekin lau bideo sareratu ditu egunotan BERRIAk. BERRIA Tamaina handiagoan ikusi

Urtzi Urkizu -

2020ko azaroak 19

Bihar hasiko da Euskaraldia, eta BERRIAk askotariko edukiak argitaratuko ditu paperean eta webgunean: kronikak, erreportajeak, elkarrizketak, analisiak... Euskaraldiaren bestelako ikuspegi bat plazaratzen saiatuko da.

Berria telebistan, berriz, zenbait bideo berezi prestatu dituzte, eta bihartik aurrera egongo dira ikusgai. Duela bi urte, Euskaraldiko egunetan egindako bideorik arrakastatsuena euskarazko irainena izan zen: 7.750 ikustaldi inguru ditu, eta ikusgai dago.

Aurten ez da, ustez, irain gogorrik entzungo, baina euskararen aberastasuna erakutsiko duten bestelako bideo batzuk egingo ditu BERRIAk. Euskara taldearen laguntzaz, euskarak dituen baliabide batzuk gaika erakutsiko dituzte. Estilo liburuan dauden gaikako hiztegi batzuk ari dira baliatzen bideoak osatzeko. Esate baterako, bideoetako bat haurren hizkerari buruzkoa izango da, eta adibide bitxiak bilduko ditu; beste bat onomatopeiekin osatuko dute; eta gazteen argotari buruzkoa izango da beste bideo bat. Duela bi urteko irainen bideoa ez zen ohikoa: modu originalean osatu zuten. Hala, aurten egingo dituzten bideoetan ere kontatzeko modu desberdinak biltzen ahaleginduko da Berria telebista.

Halaber, azkeneko egunetan Berria telebistak lau bideo egin ditu Gaztealdian parte hartu duten gazteekin. Gaur sareratuko dute azkenekoa, eta, bertan, parte hartzaileek Gaztealdiko erronken esperientziaren berri eman dute.

Hamaikan, 'Txapela buruan'

Hamaika telebistak, berriz, bihartik aurrera egunero egingo dio tartea Euskaraldiari, albistegietan eta saioetan. Herritarren, eragile publikoen eta Euskaraldiarekin bat egin duten eragileen jardunaren berri emango dute eguerdiko magazinean, 14:00etako albistegian eta iluntzean, Gakoak saioaren analisi tartean.

Baina, Euskaraldiaren aurretik, Hamaika ahalegin berezia egiten ari da denboraldi honetan euskaraz ikasten ari diren herritarren lekukotzak jasotzen. Anabel Arraizak aurkezten du Txapela buruan, eta euskaraz ikasten ari direnak elkarrizketatzen ditu. Webgune berrituak atal berezi bat du saioari eskainia: hamaika.eus/bideo-saioak/txapela-buruan. Saioa asteazkenean eta ostiralean ematen du Hamaikak. Txapela buruan-en pilulak ere emango dituzte webgunean.

Datozen asteetan, Kolpez kolpe saioan tarte berezia egingo diote Euskaraldiari, genero ikuspegia landuz. Eta Artekale saioan, sorkuntza eta euskara uztartuko dute.

'Euskaraldian behin'

Komunikabideek ez ezik, eragile askok ere egingo dute bat egunotan Euskaraldiarekin. Egunean Behin jokoa, adibidez, eskualdez eskualdeko lehia bihurtuko dute datorren astean; Euskal Herriko 21 eskualde jarri dituzte aukeran. Eta Euskal Herritik kanpo jokatzen dutenek Munduan Alderrai taldean sartzeko aukera dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Erandioko Akarlanda parkean aukera dago barbakoak egiteko, paseoan, korrika eta bizikletan ibiltzeko, eta eskalatzeko. ©RAUL BOGAJO / FOKU

Arnasgune bat bidegurutzean

Uxue Gutierrez Lorenzo

Bilbo hirigunetik oso hurbil eta herri ugariren bidegurutzean dago Erandioko Akarlanda parkea. Besteak beste, eskalatzeko, paseoan ibiltzeko eta barbakoak egiteko aukera dago han.

 ©IÑIGO URIZ / @FOKU

«Pedagogiak independentzia lortzen ez badu, ez dugu sekula aurreratuko»

Iker Tubia

Apalategik uste du eskolaren eraketak pedagogoen eta ikerlarien esku egon beharko lukeela. Jorge Oteiza fundazioan aurrekoen lekukoa hartu duela azaldu du.
Inaxio Esnaola kazetaria, <em>Burdinola</em> saioaren arduraduna. ©MAITE REZABAL ARREGI / IRUTXULOKO HITZA

Heavya itzuli da uhinetara

Jakes Goikoetxea

Naiz irratia heavy metalari buruzko 'Burdinola' saioa ematen hasi da, Inaxio Esnaolaren eskutik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna