Albistea entzun

Gaztetasunaren ispilu 20 urtez

'Gaztezulo' aldizkariak 20 urte bete ditu. Urteurreneko ospakizunak datorren urtera atzeratu ditu
BERRIA Tamaina handiagoan ikusi

Urtzi Urkizu -

2020ko urriak 3

Nahiz eta urteurrena ezin izan duten nahi moduan ospatu, Gaztezulo komunikazio proiektua osatzen dutenek ezustekoz betetako aldizkaria prestatu dute hilabete honetarako, 20 urte bete dituztela ozen aldarrikatzeko. Urriko zenbakia datorren ostiralean argitaratuko dute: batetik, Gaztetxulo garaiko —horrela zuen izena hastapenetan aldizkariak— diseinua berreskuratu dute, Oihana Egañaren ilustrazioekin eta Gartxot Unsainek egindako bertso batekin. Aldizkariari buelta eman, eta beste azaleko protagonista Aitziber Garmendia aktorea da.

Gaizka Izagirre Gaztezulo-ko zuzendariak azaldu duenez, Garmendia urte luzez izan da euskal umorearen aurpegia, eta ez zegoen urteurrenerako gonbidatu hoberik. «Gure proiektua, modu batean edo bestean, beti saiatu da umore eta urratze puntua mantentzen, ahalik eta modu freskoenean gazteei interesatzen zaizkien gaiak eurengana hurbilduz». Saiakera horretan irmo jarraituko dutela nabarmendu du. «Umorea baita kritikarako arma boteretsuena, eta egun, baita zentsuratuena ere».

Nahiz eta aldizkariak bidean zailtasunak izan dituen, «harro» dago lantaldea egindako bidearekin. «Uste dugu gai izan garela garaiarekin batera itxuraz aldatzeko eta edukiek behar zuten garapena ere islatzeko», adierazi du aldizkariko zuzendariak. «Paperezko aldizkarian sinisten dugu, eta horren alde borrokatuko gara indar guztiarekin».

Paperean ez ezik, sare sozialetan ahalegin berezia egiten ari da Gaztezulo. Horren erakusgarri da konfinamenduko hilabeteetan egin zuten #Zulotik elkarrizketa sorta. «Horren arrakastari esker, Instagram bidezko jarraitzaile ugarik jo dute gugana, eta gure edukiekiko interesa erakutsi digute».

Urteurrena ospatzeko, aurten Gaztezulo 20 Bira egitasmoa antolatzeko asmoa zuten. Hainbat euskal musika talderekin kontzertu txikiak egitekotan ziren, baita argazki erakusketa bat eta mahai inguruak ere. «Horiek 2021erako utziko ditugu, momentuz. Gaztezulo 20+1 ospatuko dugu, beraz».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Endika Barrenetxea, Iñaki Ozkarizi zesta nola jarri erakusten, atzo, Galarretan. ©JON URBE / FOKU

«Zesta bat emango dizut»

Enekoitz Telleria Sarriegi

Galarretako erremonte eskolak ostiralero irekitzen ditu ateak modalitatea ezagutu eta lehen urratsak egin nahi dituztenentzat. Bi ikasle izan zituen atzo Endika Barrenetxeak.
1 ©ITSASO VELEZ DEL BURGO / EZEZAGUNA

Ezkutuko ehizari aurre egiteko

Ane Insausti Barandiaran

Pertsonen, armen eta drogen trafikoaren ondoren, urtero diru gehien mugitzen duen legez kanpoko jarduera da ezkutuko ehiza. Roberto Fraile eta David Beriain kazetariak horri buruzko dokumental bat egiten ari zirela hil zituzten.
 ©ANDONI CANELLADA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.