Ahed Tamimi epaitzen hasi dira, begiraleak eta kazetariak kanpoan utzita

Ahed Tamimi, atzo,
Ahed Tamimi, atzo, STRINGER / EFE

Kristina Berasain Tristan -

2018ko otsailak 14
Ahed Tamimi eskuetan eta oinetan eskuburdinak zituela eta ahoan irribarrea zuela iritsi zen auzitegi militarrera. Israel atzo hasi zen 17 urteko palestinarra epaitzen, baina lehen saioa ateak itxita egin zuten; hasieran nazioarteko begiraleak eta kazetariak aretora sartzen utzi zituzten arren, ondoren kanporatu egin zituzten. Auziak ikusmin handia piztu du, adingabea erresistentziaren ikur bilakatu baita.

Tamimi iragan abenduaren 19an atxilotu zuten, lau egun lehenago, hilaren 15ean, soldaduei bere etxeko atarian kontra nola egin zien erakusten zuen bideoa sare sozialetan eta komunikabideetan zabaldu ostean. Ordutik atxilotuta dago gaztea, eta haren kontra hamabi akusazio jarri dituzte: tartean, segurtasun indarrei erasotzea, mehatxuak egitea, harriak botatzea eta manifestazioetan parte hartzea. Hamar urteko kartzela zigorra ezar diezaiokete. Martxoaren 11n egingo dute hurrengo saioa.

Gabi Lasky abokatuaren iritziz, gazte palestinarrei erresistentzian aritzeko asmoa kentzea da auzi honen helburua, eta uste du okupazioa legez kanpokoa den heinean auzia ere legez kanpokoa dela. Amnesty International erakundea iritzi berekoa da, auzi honek haur eta gazte palestinarrak ikaratzea lortu nahi duela adierazi baitu. Tamimi askatzeko ere eskatu du AIk: «Armarik gabeko neska bat ez da mehatxu bat». NBE Nazio Batuen Erakundeko hainbat adituk ere adingabea askatzeko eskatu dute komunikatu baten bidez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna