Albistea entzun

Ibilbidea

Miarritzeko lakuak

Iparraldeko herri horretako zenbait leku ezagutzeko aukera izango dugu ibilbide honen bitartez, gutariko askorentzat oraindik ezezagunak diren ingurune bitxiak.
Marion aintziraren ertzera jaistean, panoramika oso bat zabalduko zaigu uretan, eta hainbat ahate mota ikusi ahalko ditugu.
Marion aintziraren ertzera jaistean, panoramika oso bat zabalduko zaigu uretan, eta hainbat ahate mota ikusi ahalko ditugu. MIKEL ARRIZABALAGA Tamaina handiagoan ikusi

Mikel Arrizabalaga -

2022ko maiatzak 10

Miarritzeko Lakuen ibilbidea izeneko proiektuak zortzi eta bost kilometroko hiru ibilaldi desberdin eskaintzen ditu, guztiz birgaitutako ibilbide batean barrena. Iparraldeko herri horretako zenbait leku ezagutzeko aukera izango dugu, gutariko askorentzat oraindik ezezagunak diren ingurune bitxiak. Zirkuiturik handienak zortzi kilometro ditu. Milady hondartzaz gain, Marion eta Mouriscot aintzirak inguratzen ditu, zati urbanoak eta naturalak uztartuz.

Marion lakuaren ondoan dagoen aparkaleku txiki batetik abiatuko gara. Lakuaren ertzera jaistean, panoramika oso bat zabalduko zaigu, eta uretan, hainbat ahate mota ikusi ahal izango ditugu. Aintziratik pixkanaka aldenduz joango gara parketik atera arte. Larreguy eta Eugene Raulet kaleetan barna, Mouriscot lakura jaisten den Grabielle Dorzat kaletik abiatuko gara.

Mouriscot aintzira 110 hektareako naturgune baten parte bat da, eta Miarritze eta Bidarte artean dago. Guneak hainbat paisaia desberdin eskaintzen ditu: ingurune irekiak, ur berdeak dituen lakua, sastraka trinkoa, hezeguneak eta ingurune zeharkaezinak. Kontraste harrigarria egiten du ingurune urbanizatuarekin. Malda malkartsuko aintzira da, eta haren magal oihantsu eta ilunek —pinuak, haritzak eta pagoak daude— harresi moduko batzuk osatzen dituzte. Lakuaren eta inguruaren ezaugarri nagusia interes biologiko eta paisajistikoa duen hezegune-mosaikoa da.

Aintzira atzean utzi, eta hondartza aldera zuzenduko gara. Gabriel Dorzat kaletik segitu, eta Milady kaletik Ozeanoaren Hirira helduko gara. Eraikin horretan, modu dibertigarri, esperimental eta zoragarrian, ozeanoa ezagutzeko aukera izango dute bisitariek: biodibertsitatea, kirol jarduerak, espezie eta biotopoen aurkikuntza, poloen aurkikuntza ludikoa, etab. Aurrera jarraituko dugu, eta, berehala, Milady hondartzaren ondora iritsiko gara. Eguraldia lagun, aukera paregabea bainu goxo bat hartzeko. Hondartza horren izena, Lady Mary Caroline, eskoziar erregeen ondorengoari zor zaio, hondartzaren aurrean bere jauregia eraiki zuenari.

Hondartzari bizkar emanda eta bide seinaleei kasu eginez, ikusgaitz den xenda bat bilatuko dugu, ur-araztegia eta etxeen artean igaroz. Pierre de Chevigné kaletik gorantz egingo dugu segidan, baina, gora heldu aurretik, eskuinetik ateratzen den xenda bat —Giroueteko bidea— hartuko dugu. Basoa zeharkatzen duen xendak Salon kalean du amaiera. Ingurune urbanora aterako gara berriro, Marion lakura heldu aurretik Jean Bouton eta Jaizkibel kaleak zeharkatuz. Lakuaren ondoraino jaitsiko gara, eta, ertzetik ibiliz, abiapuntura helduko gara.

Miarritzeko hirigunetik gertu dagoen aintzira hori lorategi publikoa da. Erdian, putzu artesiar batek elikatzen duen bost hektareako laku natural bat dago. Lorategiak hamazazpi hektareako azalera du, eta hiri-presioaren erdian kokatutako ingurune berdea da. Lorategi ingelesa da, erregularki moztutako zelai handiekin, paisaia markatzen duten zuhaitz eta zuhaizti batzuekin. Aintziraren inguruan, hezegune baten hondar eremu tipiko batzuek lekuaren izaera naturalaren lekukotasuna ematen dute. Horiek jendearentzat itxita daude, hegaztien gozamenerako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MONIKA DEL VALLE / FOKU

«Talde ona daukagu, eta goiko postuetan egongo gara»

Haritz Gallastegi

Indartsu hasi du sasoia Sancetek. Valverdek konfiantza eman dio, eta erdilari nafarrak joko onarekin eta golekin erantzun du. Athleticen oraina eta etorkizuna da. Ardurak hartzeko prest da.
Hilaree Nelson eskiatzailea eta alpinista. ©@hilareenelson

Hilda aurkitu dute Hilaree Morrison eskiatzaile eta alpinista

Julen Otaegi Leonet

Manaslu menditik eskiz jaisten ari zela erori zen, Himalaian. Hiru egunez desagertuta egon ostean, atzo aurkitu zuten, elur azpian.

Asier Nieto Bidasoako jokalaria, jaurtitzen, atzo, Artalekun. ©JON URBE / FOKU

Bidasoak garaipen handia lortu du Kolstaden aurka

Berria

Irungo taldeak hiru golen aldeaz irabazi du (30-27), eta Europako Ligan aurrera egiteko itxaropenari eusten dio

 ©BERRIA

Txapela buruan, nekerik ez

Julen Etxeberria

Binakako euskal pentatloian egin bezala, banakoan ere nagusitu dira Nerea Arruti eta Andoni Iruretagoiena 'Izeta VI.a'. Biek azaldu dute «oso gogor» lan egin dutela azken hilabeteetan, eta «oso pozik» daudela lan horrek «saria» izan duelako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...