EITBren webean bisitatutako orrien %9 dira euskarazkoak

2016tik 2018ra, euskarazko edukien bisitak %20 hazi dira. Euskarazko kontsumoa ETBn %22,5 da, eta EITBko irratietan, %54
<em>Eitb.eus</em> webgunearen irudi bat, euskarazko saioen edukiz betea.
Eitb.eus webgunearen irudi bat, euskarazko saioen edukiz betea. BERRIA Tamaina handiagoan ikusi

Urtzi Urkizu -

2019ko urtarrilak 23

Azkeneko asteetan EITB bere hedabideetan eta sare sozialetan —propio ordaindutako mezuetan— nabarmentzen ari da 2018. urtea izan duela historiako onena Interneteko erabiltzaile datuei dagokienez. Baina erabiltzaileen artean zenbat dira euskarazko orrialdeak bisitatzen dituztenak? EITBk berak jakinarazi duenez, webgune osora euskarazko edukiek egiten duten ekarpena %9 da. 2016. urtean, %11 izan ziren euskarazko orrialdeen bisitak, eta 2017an, %10. Ehunekoaren tamaina arrazoitzeko, EITBk honako hau adierazi du: «Bisiten hazkundearen zati garrantzitsu bat gaztelaniazko edukietan ematen da estatutik kanpo; ezin da ahaztu Googletik datorrela audientziaren zatirik handiena».

2016tik 2018ra euskarazko orrialdeek Eitb.eus webgunearen barnean duten ehunekoa jaitsi baldin bada ere, erabiltzaileen kopurua handitu egin da; 2018an, hilero, batez beste, 300.000 herritar sartu ziren euskarazko edukietan, 2016an baino %20 gehiago. Datu horiek guztiak OJD Interactivak emandakoak dira, Google Analyticsen oinarrituta.

EITBren informazioaren arabera, iaz apirilean, maiatzean eta ekainean lortu zuten Interneteko erabiltzaile gehien. «El conquistador saioari, Euskal Herriko Itzuliari eta Italiako Giroari esker, besteak beste, lau milioi erabiltzaile lortu zituen atariak hiru hilabete horietan».

EITBren albisteen atariko euskarazko edukiei dagokienez, arrakasta gehien izan zutenak bertsolaritza txapelketei buruzkoak izan ziren.

Irratietan, euskara aurretik

Interneteko erabiltzaileekin alderatuta, oso bestelakoa da EITB taldeko irratietan euskarak duen pisua: CIES Centro de Investigacion y Estudios Sociales zentroak abenduan eman zituen datuen arabera, EITBren irrati entzuleen %54k euskarazko edukiak aukeratzen dituzte. 265.000 entzule batzen dituzte euskarazko bi irratiek —Euskadi Irratiak, 142.000, eta Gazteak, 123.000—. Gaztelaniazko irratien entzuleak, berriz, 225.000 dira —Radio Euskadik, 202.000, eta Radio Vitoriak, 23.000—. Horrenbestez, aldea nabarmena da: irratietan du euskarak pisurik handiena, Internetekin eta telebistarekin alderatuz gero.

Kantar Mediak emandako datuen arabera, bestalde, 2018an ETBn euskarazko telebista ikusleak %22,5 izan ziren, eta gaztelaniazkoak, %77,5. ETBko lau kateek lurreko telebista digitalaren %11,5eko ikusle kuota bereganatu zuten; %2,6 izan ziren euskarazko edukien ikusleak (ETB1 eta ETB3).

Beraz, euskarazko ikusleak ez dira lautik batera iristen ETBn. Urte osoko oreka da hori, baina, astegun batzuetan, gaztelaniazko ikusleak askoz gehiago izaten dira. Herenegun, adibidez, desoreka esanguratsua izan zen: El conquistador del Pacifico saioak %24,2ko kuota lortu zuen (160.000 ikus-entzule), eta ETB2k egun osoan %12,3ko batez bestekoa bereganatu. Aldiz, ETB1ek egun osoan %1eko kuota baino ez zuen izan, eta, gaztelaniazko reality-a ematen ari ziren orduan, Camera obscura filmak %0,3ko kuota izan zuen (2.000 ikusle). Asteburuetan, ETB1en pisua handitu egiten da; batik bat, pilota partidei esker.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna