Albistea entzun

Koronabirusa

Konstituzionalak legez kanpokotzat jo du bigarren alarma egoera ere

Alarma egoera luzatzea eta eskumenak erkidegoen esku uztea legez kontrakotzat jo ditute. Urkulluk eta Txibitek «harridura» azaldu dute
Durangoko kaleak —Bizkaia— erdi hutsik, iazko urrian.
Durangoko kaleak —Bizkaia— erdi hutsik, iazko urrian. ARITZ LOIOLA / FOKU Tamaina handiagoan ikusi

Edurne Begiristain -

2021eko urriak 28

Pandemiari aurre egiteko, Espainiako Gobernuak bigarren alarma egoera ezarri zuen iazko urrian. Espainiako Auzitegi Konstituzionalak, baina, ebatzi du legez kanpokoa izan zela erabaki hura. Hain justu, Espainiako Gobernuak alarma egoera sei hilabetez luzatzeko hartutako erabakia eta hura kudeatzeko autonomia erkidegoetan utzitako eskumena jo ditu legez kontrakotzat.

Vox alderdiak aurkeztutako babes errekurtsoari arrazoi eman dio Konstituzionalak ebazpenean, baina erabakia ez du aho batez hartu: hamar epaileetatik lauk eman dute boto partikularra. Lehen alarma egoera ere legez kanpokotzat jo zuen auzitegi horrek aurtengo uztailean, eta orduan ere eztabaida handia izan zen magistratuen artean, seik ebazpenaren alde bozkatu zutelako, eta bostek, kontra.

Konstituzionalak dioenez, ez da legez kanpokoa alarma egoeraren iraupena bera sei hilabete luzatu zen, Espainiako Gobernuak hura justifikatzeko «arrazoi sendorik» ez zuela eman baizik. Alarma egoera luzatzeko erabakia modu «inkontzientean» eta «koherentziarik gabe» hartu zuela argudiatu dute epaileek. Halaber, ebazpenak dio neurri murriztaileak erkidegoen esku uzteko erabakiak urratu egin zuela krisi egoerak arautzeko indarrean den legedia.

Eusko Jaurlaritzako lehendakari Iñigo Urkullu «harriturik» azaldu da ebazpena jakindakoan. Nafarroako lehendakari Maria Txibitek, berriz, «etsigarritzat» jo du epaiak «eskumenak partekatzen dituen estatu autonomikoaren kontra jotzea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Termometro bat, artxiboko irudi batean. ©Andoni Canellada / FOKU

Euskal Herria alertan da tenperatura beroengatik

Nagore Arin

Araban, Bizkaian eta Gipuzkoan alerta horia ezarri dute; Nafarroan ere bai, eta Ipar Euskal Herrian, berriz, alerta laranja. Bihar gora egingo dute termometroek.

Industriaren efizientzia energetikorako foroa sortzeko eskatu du Txibitek

Industriaren efizientzia energetikorako foroa sortzeko eskatu du Txibitek

IƱaut Matauko Rada

Madrilek hartutako neurri energetikoak babestu ditu lehendakariak. Nafarroako Gobernuak ekarpenak egingo dituela iragarri du
Hondartzetako dutxetako ura guztiz moztu dute Urdaibain, lehorte garaian ura aurrezteko; irudian, Sukarrieta hondartza, atzo. ©ARITZ LOIOLA / FOKU

Urdaibai, ur premian

Iraia Vieira Gil

Aurtengo beroaldiek lehortea eragin dute, eta ur mozketak indarrean dira jada leku batzuetan. Urdaibain, herritarrek neurriak nabaritu dituzte: besteak beste, hondartzetako dutxetako hornidura moztu dute, eta gauez etxeko uraren presioa ere murriztu dute. Gainera, Bermeora ura itsasontziz garraiatzen hasi dira.
Sexu erasoen aurkako elkarretaratzea, Leioan. Artxiboko argazkia. ©Luis Jauregialtzo / FOKU

42 urteko gizon bat atxilotu dute Leioan, bikotekidea jipoitzeagatik

Berria

Leioako (Bizkaia) Pinueta auzoko kale batean izan da erasoa, gaur goizeko ordu txikietan. Indarkeria matxistako delitua egotzi dio Ertzaintzak gizonari.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...