Hasi dituzte lanak Belabietako tunela zaharberritzeko

A-15 autobideko tunel luzeena zaharberritzeko lanak hasi ditu Gipuzkoako Aldundiak, hamabost milioi euroko aurrekontuarekin. Belabietako tunelaren lanek hamar hilabete iraungo dute, eta, epe horretan, trafikoa bypass batekin kudeatuko dute tunel barruan. Bide Azpiegituretako diputatu Aintzane Oiarbide eta Markel Olano ahaldun nagusia tunelean izan dira, eta nabarmendu dute «aldaketa handia» izango duela tunelak.