KRITIKA. Musika Hamabostaldia

Handitasunaren balioa

Arkaitz Mendoza -

2018ko irailak 4

Koloniako Irratiko Orkestra Sinfonikoa

Zuzendaria: Jukka-Pekka Saraste. Abesbatza: Donostiako Orfeoia. Egitaraua: Hector Berliozen Requiem-a. Lekua: Donostiako Kursaaleko auditoriuma. Eguna: Irailak 1.

Tamainak inporta du, noski! Hector Berliozek planteatutako Requiem-ak den-dena erakusten du: abesbatza ikaragarri bat —ia 200 ahots Donostiako Orfeoian—) eta bost tinbal jotzaile, bakoitza bere lau tinbalekin. Gainera, eszena kanpoan tronboi zortzikote bat, eta hori dena biribiltzeko, tenor ahots bat: Maximilian Schmitt alemaniarra. Bost egun lehenago, Mozarten interpretazioan, egokitasunetik pasatu gabe aritu zen Donostiako Orfeoia, baina honakoan bere arma guztiak beharrezko handiuste puntu batekin erakutsi zituen, ziur eta zoragarri! Bezperako orkestra berbera plazara eta sentsazio berbera bere batutan: ero eta pasio tantarik ez diogu antzemango Jukka-Pekka Saraste zuzendariari, eta osagai oro kontrolpean edukitzearekin bere lana ontzat eman zuen. Halere, izaera hotz horrek ez zituen beste denak kutsatu, abesbatza jo eta fuego sarrera bakoitzean, perkusio jotzaileak erne urruntasunetik zetozen tronboi deiadarrei erantzuteko, eta harizko instrumentu grabeak sendotasun oparoan.

Zaila zait atalen bat nabarmentzea, obraren erritmo lasai eta baketsua minutuero mamitzen joan baitzen. Egitura aldetik, Sarasatek jariakortasuna begitan hartu zuen, eta ez zuen inondik inora askatu, nahiz eta une jakinen batean bitxikeriaren bat azpimarratzeko emozio puntu bat falta. Maximilian Schmitt harmailetan eta gailurretan. Handitasunaren balioa jendartetik luzatu zuen tenor alemaniarrak, hitz jarioan eta intentzioan bikain sakonduz. Beharrezkoa genuen bere partaidetza! Amaieran nekeak eta etenaldi faltak afinazio arazoak ekarri zituen orkestrako flauta laukotean, eta horrek tronboi baxuaren oihartzuna eta gizonezko zein emakumeen ahots uluak gorabeheratan jarri zituen, elkar entzunean akats orokor bat eraginez. Pena handia! Egonkortasunean eta sorpresa berezirik gabe bizi izan dugun hilabete honi amaiera handia eskaini dio Musika Hamabostaldiak, tamaina eta kalitatea eskutik joan daitezkeela frogatuz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko Alde Zaharreko taberna bat. ©Jesus Diges / EFE

Nafarroako Gobernuak aholkatzen du etxe berekoekin soilik elkartzea

Joxerra Senar

Kaleratu du gaur gauerdian indarrean sartuko den foru araua, eta, han adierazten duenez, beste lurraldeetako herritarrek badaukate Nafarroa zeharkatzea, betiere «jatorria eta helmuga handik kanpokoak badira»

Militarren kontrol bat, joan den apirilean, Lizarietan, Lapurdi eta Nafarroaren arteko mugan. ©Jagoba Manterola / FOKU

Nafarroa ixteak ez dio eraginen Ipar Euskal Herriarekiko mugari

Berria

Nafarroatik Gipuzkoara eta Arabara ezinen da igaro, baina bai Nafarroatik Lapurdira, Behe Nafarroara edo Zuberoara. Ana Ollo Nafarroako Herritarrekiko Harremanetako kontseilariak erran du Nafarroak ez duela eskumenik Ipar Euskal Herriarekiko muga ixteko.

Santos Indurain, Lizarrako Garcia Orkoien ospitalera bisita egiten, abuztuan. ©Iñigo Uriz / Foku

Indurainek aitortu du Nafarroako osasun sistema egoera «zail baten atarian» dagoela

Jon O. Urain

1.186 positibo atzeman dituzte azken orduetan Hego Euskal Herrian. Azken astebetean 74 pertsona hil dira Araban, Bizkaian, Gipuzkoan eta Nafarroan.

Jangeletako langileen manifestazioa, gaur goizean, Bilbon ©monika del valle / Foku

Eskoletako jangeletako langileek greba egin dute, enplegua eta lan baldintzak bermatzea eskatzeko

Irati Urdalleta Lete

Beste bi greba egun ere deituak dituzte: hilaren 27a eta 29a. Oraindik ez dute eman gaurko grebako parte hartzearen inguruko daturik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna