Festa
Ogiaren labea, ikastolaren eskutik
Ogi labearen festa egingo dute bihar Lekornen (Lapurdi). Garaiz ekingo diote festari Lekorneko plazan, izan ere, 08:00etan hasiko dira ogia erretzeko labea pizten. 10:30ean haurrentzako ogi tailerra egongo da. Baigura ikastola da ogiaren bueltan urtero egin ohi duten festaren antolatzailea. Lekorne, Makea, Heleta eta Lekuineko ikasleak dabiltza. Musika emanaldia egingo dute haiek 12:00etan. Arratsaldean, berriz, dantzaren ordua izango da; 16:30ean, Urtsuko Xoriak herriko dantza taldearen ikuskizunaz gozatu ahal izango dute bertara doazenek. 18:00etan, mutxikoak egingo dituzte.
Iruzkinak
Ez dago iruzkinik
Ordenatu