Sexu segregazioa: Hezkuntzaren utzikeria salatzeko puntua, atzera

Ikasleak sexuagatik bereizten dituzten bi ikastetxe erlijiosoen auzian, mozioa aurkeztu du EH Bilduk Nafarroako Legebiltzarrean, Hezkuntza Departamentuak «utzikeriaz» jokatu duela salatzeko. Horren arabera, ikastetxe segregatzaileek «muzin egin diote araudiari, eta segitzen dute ikasleak sexuagatik bereizten». Geroa Bai, Ahal Dugu eta Ezkerra taldeen babesa izan du koalizio abertzalearen idazkiak, baina kontrako botoa eman dute Navarra Sumak eta PSNk. Puntu hori ez dute onartu, beraz. Bai, ordea, beste batzuk. Hala, gobernua premiatu dute zentro horietan legea betetzen dela bermatzera, bi eskola horien aurkako prozedura burutzera eta, sistema mistora pasatzen ez badira, itun ekonomikoa berehala etetera.