Noiz sortua: 2020-01-25 00:30:00

ARDOXKA

Ametsak betez, Luis Olivan

Roberto Sarriugarte -

2020ko urtarrilak 25

Urte asko dira Luis Olivan ezagutu nuela, Valentzian ospatzen diren Verema topaketetan. Han ezagutu genuen elkar, ni ardoaz gozatzera eta hura lanera joanak (lanean ere bazekien gozatzen), Somontanoko ardoak ezagutzera ematen, artean Bodegas Pirineosen lanean ari baitzen. Arlo komertzialaren ardura zeraman, baina askoz gehiago zen hark egiten zuena, erakusten zuena, ezagutza, jakituria; Jesus Astrain, upategiko enologo eta zuzendari teknikoarekin batera bikote banaezina osatuz.

Hainbat urtetan egin genuen topo Valentzian urtero egiten diren topaketa horietan.

2007an, Pirineos utzi, eta Bierzoko (Gaztela eta Leon, Espainia) Dominio de Tares upategian hasi zen lanean. 2012an Somontanora itzuli zen hango upategirik ospetsuenean lan egitera, Enaten, hain zuzen ere, Madrilgo San Martin de Valdeiglesiaseko Las Moradas de San Martin upategian egiten zuen lanarekin partekatuz.

Baina Luisen buruan eta bihotzean beti egonda amets bat, upategi propioa izatea, alegia. Eta amets hori iazko abuztuan abiatu zuen Olivanek, Luis Olivan Vinos y Viñedos sortuz.

«Nire oroimeneko hainbat eta hainbat xehetasun baratzean eta soroetan ematen dira, nire familiakoak nekazari eta ortuzain izan baitira Hoya de Huesca eta El Abadiado de Bandaliesen; ardoa eta mahastia beti egon dira hortxe».

Bodegas La Sierra (Aragoi, Espainia), Crianzas y Viñedos Santo Cristo (Aragoi, Espainia) eta Vinícola de Arganda (Madril) dira Olivanek erabiltzen dituen upategiak bere ardoak egiteko.

2018ko martxoan hasi ziren mahastiak bilatzen, gehienetan berto -bertoko mahatsez osatuak, baina kanpokoak baztertu gabe, orientazioa eta kokapenari erreparatuz.

Epe luzerako alokairuko mahastiak kudeatuz edota mahastizain onei mahatsa erosiz lan egiten dute; baina, gaur egun, mahastiak erosteko prozesuan daude, mahasti propioak ematen dituen abantailak balioetsiz.

Ainzonen (Zaragoza), Bespenen (Huesca) eta San Martin de Valdeiglesiasen daude mahastiak. Lehenengo bietan garnatxaz osatutako mahastiak dira, eta San Martinen, berriz, malvar (zuria) eta garnatxaz osatutakoak.

Hiru ardo egiten dituzte, hirurak ere ekoizpen oso txikikoak. Bi beltzak dira, Luis Olivan Garnacha de Bespen Las Pilas (Somontano sor-markapean) eta Luis Olivan Garnacha de Ainzón (Campo de Borja sor-markapean); eta hirugarrena, berriz, zuria, malvar mahatsez eginiko Luis Olivan Malvar de San Martin de Valdeiglesias. Ardo guztiak ontzen dira upeletan, upel handiak eta erabilitakoak, ahalik eta eraginik txikiena izan dezaten ardootan.

Hirurak dira bikainak, eta laster beste bat ere aterako dute, laugarrena: Clarete de Bespen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 7an eguneratua, 14:00etan. ©BERRIA

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Lesbos irlan lehorreratutako errefuxiatu talde bat, Mitileneko portuan. ©ORESTIS PANAGIOTOU / EFE

Italiak portuak itxi dizkie erreskate ontziei

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Irakasleak azterketa batean, Barakaldoko BECen. ©Monika Del Valle, FOKU

Eusko Jaurlaritzaren hezkuntza lan deialdiak bertan behera utzi dituzte

Ainhoa Larretxea Agirre

Data berririk zehaztu ez badu ere, Uriartek erran du zaila iruditzen zaiola azterketak uda aitzinetik egitea.

Bruno Le Maire Frantziako Ekonomia eta Finantza ministroa eta Wopke Hoekstra Holandaka, Eurotaldearen aurreko bilera batean ©Olivier Hoslet (Foku)

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna