ARDOXKA

Xurxoren altxorrak

Roberto Sarriugarte -

2020ko urriak 17

Familia upategia da Albamar. Pontevedrako Cambados herrian (Galizia) dago, askorentzat, ardoaren ikuspuntutik Rias Baixas sor-markaren hiriburua. Hogeita bost bat urte daramatzate ardogintzan Albamarrekoek, baina benetako abiadura eta indarra 2006an hartu zuen upategiak, Xurxo Alba Padinek, familiako semeetako batek, negozioaren gidaritza hartu zuenean. Harrezkero, upategi txiki hori, kalitatezko albariñoen artean, goreneko mailan ageri da.

Krisialdi ekonomikoaren ondorioz, Xurxo Albak egiten zuen enologo-kontsultore lana utzi behar izan zuen, eta familiaren mahastietan eta upategian jarri zituen bere ahaleginak eta jakituria.

Albamarren mahastiak Umia ibaiaren bokalearen ertzetan daude, Arousa itsasadarraren bihotz-bihotzean. Han erliebea oso leuna da, eta lurrak buztintsuak eta hareatsuak dira. Bestalde, itsas brisak gazitasun bakan eta bitxi bat ematen die mahastiari eta horrek ematen duen ardoari. Xurxoren ardo guztiek, Rias Baixas eta Valdeorraseko zuriek edota Ribeira Sacrako beltzek, beti daramate lursailaren izaera nabarmena, terroir deritzon horrena.

Val do Salneseko azpizonan dago upategia, eta ardoek granitoaren ukitua eta itsasoaren gertutasunaren eragina erakusten dute, ardo biziak eta freskoak nabarmenduz.

Xurxok naturarekiko errespetu osoa adierazi nahi du, haren ardoetan islatuz bere izaera, eta argi dauka kimika ez dela ona mahastiarentzat, eta mahastitik kimika erabat desagerrarazteko egiten du lan egunero, nahiz eta Galiziaren moduko lur hezeetan ez den hain erraza.

Albamarren egiten diren ardoak helduak bezain freskoak dira, ekoizpen txikikoak, eta gaur egun Galiziako ardoen erreferente bilakatu dira.

Ceibo ardoa egiten du Valdeorras sor-markapean, godelloz eginkoa, bikaina. Ribeira Sacran ere egiten du Fusco, ardo beltza, mencia mahatsez. Gaurkoan, baina, Rias Baixaseko ardoak nabarmendu nahi ditut, beltzak zein zuriak.

Beltzetan, Albamar O Esteiro, caiño beltza, espadeiro beltza eta mencia mahatsez egina; Albamar O Esteiro Caiño, erabat caiño beltzez egina; eta Albamar O Esteiro Espadeiro, espadeiro beltzez egindakoak nabarmenduko nituzke. Hirurak ere bikainak bezain bakanak.

Zurietan, Albamar Albariño, Albamar Finca O Pereiro, Albamar O Sebal, Pai de Albamar, Pepe Luis eta Albamar 69 Arrobas aipatu ditzakegu. Azken hori egiteko lau partzeletako mahatsa erabiltzen dute, lurzoru granitikoetan hazitako mahatsa, alegia. Bost hilabetez bere ligekin egoten da ontzen, eta beste tarte bat igarotzen du ardoak botilan fintzen, merkaturatu aurretik. Nire aburuz, zurietan, upategiko ardorik bikainena eta ederrena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Eskoletako Urmaelen Sareko kideak, Ataungo Joxemiel Barandiaran herri eskolako urmaelean, atzo. ©JON URBE / FOKU

Mundu bat putzu eginda

Enekoitz Telleria Sarriegi

Eskoletako Urmaelen Sareak lehen topaketa egin du Ataunen. Urmael bat sortzeak eta kudeatzeak dituen onurez eta proiektuak saretzeko beharraz aritu dira. «Laborategi natural batzuk dira».
1 ©- / EZEZAGUNA

Baratzeak loratzen duen guztia

Enekoitz Telleria Sarriegi

Hiri baratzeek gero eta erabiltzaile gehiago dituzte. Eskariak gora egin du, eta eskaintzari neurria jarri nahian ari dira euskal hiriburuetako udalak. Onurak baino ez dizkiote ikusten nola teknikariek hala erabiltzaileek.

Aktore protagonistak Nicole Kidman eta Hugh Grant. ©BERRIA

Burbuila bezain hauskorra

Mikel Yarza Artola

David E. Kelley estatubatuarrak 'The Undoing' telesaila aurkeztu du, 'Big Litte Lies' goratuaren ostean

Itziar Atienza, Aitziber Garmendia, Getari Etxegarai, Leire Ruiz, Naiara Arnedo eta Sara Cozar, filmaren grabazioan, Bizkaian. ©ERLAUNTZA

Umorez blaitutako ziztada

Nagore Arin

Zinema aretoetara iritsi da 'Erlauntza' ekoizpena, bi urtez antzokiz antzoki ibili ondoren. Sei emakume ditu protagonistatzat, eta ostiralean estreinatuko da Hego Euskal Herrian

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna