Lan eskaintza publikoa martxan du Espainiako Gobernuak, eta euskara ez du kontuan hartu. Eusko Legebiltzarrak eztabaidagai hartu zuen gaia atzo, EH Bilduren ekimenez, eta eskari bat onartu zuen: euskara erabiltzea ezinbesteko den lanpostuetan aintzat har dezala euskara, meritu gisara. EH Bilduk, EAJk eta PSE-EEk onartu zuten eskaria. Elkarrekin Podemosek abstentziora jo zuen, onartutako mozioak ez duelako aintzat hartu koalizioaren eskari bat: Madrilek eta Jaurlaritzak itun bat sinatzea hizkuntza eskubideak bermatzeko. PPk, berriz, aurka bozkatu zuen, esanez lan eskaintza «eremu nazionalekoa» dela, eta ez duela euskara aintzat hartu behar.
Madrili egindako eskariarekin batera, beste puntu bat sartu dute mozioan: gogorarazi dute hizkuntza eskubideak babestea erakundeen eginbeharra dela.
Euskara meritu gisa hartzeko eskaria Madrili
Iruzkinak
Ez dago iruzkinik
Ordenatu