Ironman proba Gasteizen

Burdinaren mapan agertu da

Bihar Ironman proba bat jokatuko da Gasteizen; estreinakoz sartu da zirkuitu entzutetsuaren barruan. Aldaketarik esanguratsuenak oihartzunean eta parte hartzaile kopuruan izango dira. Faborito nagusiak: Llanos eta Corachan
Eneko Llanos bizikletan. Hautagai nagusia da irabazteko.
Eneko Llanos bizikletan. Hautagai nagusia da irabazteko. BRUCE OMORI / EFE Tamaina handiagoan ikusi

Jon Ander De la Hoz -

2019ko uztailak 13

Kokaleku berri bat du triatloiko Ironman zirkuitu entzutetsuak: Gasteiz. Orain artean ere jokatzen ziren distantzia bereko probak —3,9 kilometro igerian, 180 bizikletan, eta 42 korrika— Arabako hiriburuan, baina munduko probarik garrantzitsuenen artean sartu da aurten. Guztira 40 hirik hartzen dute zirkuitu horretako probaren bat, eta estreinakoz da zerrendan Gasteiz. 08:00etan ekingo diote probari PRO mailako triatletek, eta ordu erdi geroago gainontzekoek.

«Guk ez genuen ezer egin han sartzeko», esan du Eduardo Martinez lasterketaren zuzendari nagusiak: «Oro har, hiriak, edo herrialdeak, Ironmanekin harremanetan jartzen dira proba ofizial bat eskatzeko. Kasu honetan, Ironman etorri zen gugana». Ordura arte Gasteizko distantzia luzeko proba antolatzen aritzen ziren. Ironmaneko antolakuntzakoek galdetu zieten, lan egiteko zuten modua ikusita, «talde selektibo horretan» sartu nahi ote zuten.

Horrek probari aldaketak ekarriko dizkiola azaldu du Martinezek: «Lehen ere proba entzutetsua zen, baina Ironmanen nazioarteko zirkuituan sartuta, harago doa».

Adibide gisara, Konako (Hawaii, AEBak) Munduko Txapelketarako 40 postu banatuko dituzte Gasteizen. Martinezek hamabost urtetik gora daramatza Gasteizko triatloian lanean, eta beste xehetasun batzuei eman die garrantzia: «Jauzi kualitatibo bat eman dugu. Ironmanen babesa izateak probaren zenbait arlotan hobekuntzak dakartza: kronometratzean, zuzeneko emisioan, azpiegituretan...».

Martinezek uste du kirol arloan ere «hobera» egingo duela. Igeri egitera progresiboki irtengo dira kirolariak, rolling start-a erabilita: «Triatletak mailakatuago iritsiko dira lehorrera, eta bizikletari heltzean, pelotoi gutxiago osatuko dira», Izan ere, debekatua dago pelotoian joatea bizikletan, eta epaileek zigortu egiten dute besteari segika doana: «Epaile gehiago ere izango ditugu, aurten Espainiako Federaziokoak izango baitira, eta horrek erraztu egingo du txirrindularitza zatia kontrolatzea». Zirkuitua bere horretan mantenduko dute ia osoki, «igeriketako aldaketa gutxi batzuk» kenduta.

Kopuruak ere, gora

Marka erakargarria da Ironman; antolatzen dituzten lehiaketak kiroletik harago doaz, eta ikuskizun bilakatzen dira azkenerako. Erakargarritasun horrek handitu egin du parte hartzaileen kopurua. 2.100 izango dira aurten, eta atzerritarrak daude goraldiaren atzean: «Lehen %13 ziren, eta orain erdiak. Iaz 37 herrialde zeuden ordezkatuta, eta aurten 60 inguru».

Zirkuituan sartzeak «onura» ekarriko dio Gasteizi, Martinezen arabera: «Hiria, herrialdea eta Euskal Herria mundu mailan kokatu ditu, triatloiari dagokionez». Halaber, eragin ekonomiko «garrantzitsua» izango duela berretsi du: «Hemen geratzen den dirua da». Horrez gain, uste du hedabideetan izango duen oihartzunaren bidez ere ingurua ezagutaraziko duela, nonahiko jendeak ikusi ahalko duelako: «Hamahiru lasterketa aukeratzen dituzte zuzenean emateko, eta gurea da horietako bat».

Maila handiko kirolariak

Orain arte Martinez ez zegoen oso kezkatuta zirkuitutik kanpo egoteagatik: «Izena bageneukan; 2012an hemen jokatu zen [Distantzia Luzeko] Munduko Txapelketa... Aukera sortu zenean, ordea, ez nuen zalantzarik egin». Hain justu, 2012ko hartan bigarren egin zuen Eneko Llanosek, eta bihar berriz ariko da etxean:«Ederra da hemen izatea, lagun handia baitut. Hura izan da gehien harritu dena hemen Ironman proba bat jokatzearekin».

Llanos bera da gizonezkoen lasterketa irabazteko faboritoetako bat, Josh Amberger eta Alejandro Santamariarekin batera; emakumezkoetan, berriz, Judith Corachan kataluniarra eta Heather Jackson.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Azpikontratatutako langileen elkarretaratzea, gaur, Txagorritxuko ospitalearen atarian ©aritz Loiola / foku

Osakidetzako langile azpikontratatuek euren zerbitzuak publiko egiteko eskatu dute

Irati Urdalleta Lete

ELA, LAB, CCOO, UGT eta ESK sindikatuek deituta, elkarretaratzeak egin dituzte Txagorritxuko, Gurutzetako eta Donostiako ospitaleetan.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna