Irudia. Iruñea
Altsasukoei babesa, 193. kilometroan
Gure Esku Dago-k «elkartasun kilometroa» eskainiko die Altsasuko auzipetuei. Giza kateko 193. kilometroa gordeko du, gazteei babesa adierazteko. Atzo, Altsasuko Gurasoak plataformarekin batera, horren berri eman zuten Bel Pozuetak, Adur Ramirez de Aldaren amak eta Aitor Urrutia GEDeko kideak. Azken erabakiagatik «minduta eta haserre» daudela nabarmendu zuten gurasoek, baina, era berean, «mendekuari eta injustiziari duintasunez» erantzun nahi diotela azpimarratu zuten. Urrutiak argudiatu zuen eskubide zibilak jopuntuan dauden honetan «inoiz baino garrantzitsuagoa» dela demokraziaren aldeko herritar sarea osatzea.
Iruzkinak
Ez dago iruzkinik
Ordenatu