Albistea entzun
Emakumeen aurkako indarkeriari ez
Emakumeen aurkako indarkeriari ez

Espainiako erregearen abdikazioa. Protestak

Aldaketa hotsak, mutu ez geratzeko

Errepublikaren aldeko aldarria entzunarazi dute milaka lagunek.

Galdeketa egitea nahitaezko dute, eta esku hartzeko garaia iritsi zaiela diote
Monarkia edo errepublikari buruzko galdeketa eske, protestak egin zituzten atzo. Irudian, Donostiakoa.
Monarkia edo errepublikari buruzko galdeketa eske, protestak egin zituzten atzo. Irudian, Donostiakoa. GORKA RUBIO / ARP

Oihan Vitoria -

2014ko ekainak 3

Gainbehera dagoen ereduak lurra jo duela. Atzera bueltarik ez, eta aldaketak egiteko momentu aproposena dela. Baita herritarrei hitza emateko ere. Monarkiaren eta errepublikaren artean erabaki ahal izatea gura dute. Bat edo beste hautatzea. Ezker aldera edo eskuinera joatea. Alegia, mutu geratzeko xederik ez dutela. Halere, badakite isilaraz diezaieketela, iritzia eman ezinik gera daitezkeela. Haiek, ostera, esku hartzeko sasoia heldu zaiela uste dute, baina, neurri handi batean, ez dago haien esku. Juan Carlos I. Espainiako erregeak abdikatuko duela jakin eta berehala, eredua moldatzearen aldeko hotsak sendotu ziren atzo: sare sozialak hartu zituzten lehenbizi; hainbat alderdi eta eragileren balorazioak geroago; eta, azkenik, kaleak. Iluntzean, erreferenduma galdegiteko aldarria karrikara atera zuten herritarrek. Sare sozialen bidez deitu zuten protestara, eta elkarretaratzeak egin zituzten Euskal Herriko eta Espainiako hiri ugaritan.

Deitzaileen artean zeuden, besteak beste, IU, EH Bildu, Podemos eta Equo. Elkar hartuta egin zuten errepublikaren aldeko aldarrikapena, eta galdeketaren «premia» nabarmendu zuten. «Burujabetza herriarena da, ez beste inorena; ezta erregearena ere. Herritarrei dagokie erabakitzea monarkia edo errepublika nahi duten», adierazi zuen Cayo Larak, IUko koordinatzaileak. EH Bilduko eledun Oskar Matuteren hitzetan, abdikazioak ez dakar aldaketarik. Euskal errepublika libre bat eraikitzeko bidean «indarrak metatzeko» deia egin zuten, eta mobilizazioak egin zituzten Donostian, Iruñean, Bilbon eta Gasteizen.

Iritzi kontrajarriak PSOEn

Ildo beretik mintzatu zen Podemos-Ahal Duguko bozeramaile Pablo Iglesias. Berriki Europako bozetan erdietsitako «arrakasta» presente zuela, mezu zuzena utzi zuen: «Felipe Borboikoak errege izan nahi baldin badu, aurkez dadila hauteskundeetara. Herritarren babesa daukala uste baldin badu, galde diezaiela». Iglesiasen arabera, erregeak kargua laga izanak 1978. urteko erregimentuaren «zatiketa» bizkortuko du.

Iritzi berekoak dira Equoko ordezkariak. Juan Lopez de Uraldek ohartarazi zuen agerian geratu dela eredua «amaituta» dagoela. «Konstituzioa aldatzea ezinbestekoa da, Felipek ezin baitu aitaren tokia hartu galdeketa gabe».

Ezkerrekoen bideari hanka bat falta zitzaiola sumatu zuenik ere bazen. PPrekin bat egin ez dezan galdegin zion Iglesiasek PSOEri: «Sozialistek aukera historikoa dute kasta politikodun hitzarmen bati muzin egiteko, erakusteko ez direla PPren gisakoak, demokraziari beldurrik ez diotela. Orain, urrats ausartak egitea dagokie». Erregearen erabakiari buruz iritzi kontrajarriak sortu ziren PSOEren barruan. Batetik, alderdiaren bertsio epel, ofizial eta neurtuena; monarkiari oztoporik jarri ez dizkioten horiena. Bestetik, erreferenduma premiazkotzat jo dutenena. Azken asteetako zalaparta gehiago ez elikatzeko asmoz, Alfredo Perez Rubalcaba idazkari nagusiak esan zuen Felipe Borboikoak Espainiaren «bermea» duela «arrakasta» ziurtatzeko.

Jose Antonio Perez Tapiasek ahotsa jarri zien kontra dauden kideei: «PSOEk errepublikaren tradizioa lehenetsi beharko luke erreferendumean». Larak PP-PSOE alderdi bitasunaren «hondoratzearekin» lotu zuen erabakia, monarkiaren zutabe izan direla iritzita. Itxaropentsu agertu zen, edonola ere. «Ilusio handia dut, hil baino lehen III. Errepublika ikusteko aukera izan baitezaket. Ez dugu diktadore batek onetsitako sistemarik babestuko».

Katalunian, eraldaketarik ez

Katalunian, berriz, orain arteko bideari eutsiko diote: aldaketarik ez da izango. Horrela jakinarazi zuen Artur Mas Kataluniako Gobernuko presidenteak: «Erregez aldatuko dute, baina Kataluniako prozesuak ez du inolako aldaketarik jasango: aurrera jarraituko du». Azaroaren 9an galdeketa egiteko konpromisoa berretsi, eta herritarren «borondatea» errespeta dezatela exijitu zien erakundeei. Erregeak haren semearengan abdikatzea «logikotzat» jo zuen Ciutadanseko parlamentari Ines Arrimadasek: «Herrira gerturatzen asko lagun dezake».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Baiko zuzendaritza berria, Baionan ©EH Bai

Euskal Herri burujabea helburu, lurralde elkargo berezia aldarrikatuko du EH Baik

Ekhi Erremundegi Beloki

2022-2026 aldirako bide orri politikoa onartu eta ondoko urteetarako zuzendaritza berria hautatu dute ezkerreko mugimendu abertzaleko kideek. «Karrikan eta instituzioetan borrokatzeko» borondatea erakutsi dute, eta EH Bildureko duten hitzarmen estrategikoa «indartu eta berrituko» dutela erran dute.

KEM talde antimilitaristaren ekintza, Bilboko koartelean. ©BERRIA

«Kuartela auzoarena izan arte!»

Imanol Magro Eizmendi

Hiru igeltsero antimilitaristak Bilboko Juan de Garay kuartel militarra eraisteko lanekin jarraitu dute. 6.500 metro koadroko orubea Iralako auzotarren esku gelditu dadin egin dute lan. Ertzaintzak kalteak eragitea leporatu die.

Foro Sozialak antolatutako mahai inguruko partehartzaileak, herenegun, Donostian. ©ANDONI CANELLADA / FOKU

«Aitortzarako bide bat» zabaldu du Poliziaren Biktimen Balorazio Batzordeak

Julen Aperribai

Poliziaren Biktimen Balorazio Batzordeko presidente Juana Balmasedak biktima horien aitortzan batzordeak egindakoa goretsi du. Lan hori trabatzeko mekanismoak martxan direla ohartarazi du.

EH Baiko kideak, uztailean, kongresuaren aurkezpenean. ©GUILLAUME FAUVEAU

Ezkerreko abertzale guziak biltzeko gai izan nahi du EH Baik

Ekhi Erremundegi Beloki

Bihar eginen du lehen kongresua ezkerreko abertzaleen mugimenduak, eta ondoko urteetarako bide orri politikoa bozkatuko dute. «Parte hartze handia» nabarmendu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.